Graaff-Reinet

An Graaff-Reinet sarong banwaan sa Probinsya nin Eastern Cape sa Habagatan na Aprika. Ini an pinakagurang na banwaan sa probinsya. Ini man an ikaanom na pinakagurang na banwaan sa Habagatan na Aprika, sunod sa Cape Town, Stellenbosch, Simon's Town, Paarl asin Swellendam. An banwaan iyo an sentro kan sarong halipot na republika kan huring parte kan ika-18 siglo. An banwaan sarong punto nin pagpoon para sa mga grupo nin Great Trek na pinangenotan ni Gerrit Maritz asin Piet Retief asin nagtao nin dakulang bilang kan mga Voortrekker kan 1835–1842.

An Graaff-Reinet iyo an istaran kan mas dakol na nasyonal na monumento kisa sa arin man na ibang banwaan o syudad sa Habagatan na Aprika. Midbid man ini bilang sarong mauswag na merkado para sa mga produktong agrikultural, na midbid sa industriya nin mohair, asin pag'ataman nin mga karnero asin avestruz.