Gregorio Honasan
| Gregorio Honasan | |
|---|---|
| |
| Official portrait, 2016 | |
| 2nd Secretary of Information and Communications Technology | |
| Termino July 1, 2019 – October 8, 2021 | |
| President | Rodrigo Duterte |
| Suminunod ki | Eliseo Rio Jr. (OIC) |
| Sinundan ni | Jose Arturo De Castro (OIC) |
| Senator of the Philippines | |
| Termino June 30, 2007 – June 30, 2019 | |
| Termino June 30, 1995 – June 30, 2004 | |
| Chair of the Senate National Defense and Security Committee | |
| Termino July 25, 2016 – November 20, 2018 | |
| Suminunod ki | Antonio Trillanes |
| Sinundan ni | Panfilo Lacson |
| Chair of the Senate Peace, Unification and Reconciliation Committee | |
| Termino July 25, 2016 – November 20, 2018 | |
| Suminunod ki | TG Guingona |
| Sinundan ni | Ronald dela Rosa |
| Chair of the Senate Agrarian Reform Committee | |
| Termino July 26, 2010 – June 30, 2016 | |
| Suminunod ki | Francis Pangilinan |
| Sinundan ni | Alan Peter Cayetano |
| Senate Majority Leader Acting | |
| Termino July 22, 2013 – July 23, 2013 | |
| Suminunod ki | Tito Sotto |
| Sinundan ni | Alan Peter Cayetano |
| Personal na mga detalye | |
| Kamundagan | Gregorio Ballesteros Honasan II Marso 14, 1948 Baguio, Mountain Province, Philippines |
| Nasyunalidad | Filipino |
| Partido politikal | Independent (1990–2012; 2021–present) |
| Iba pang partido | UNA (2012–2021) |
| Agom | Jane Umali |
| Mga aki | 5, including Kai[1][2] |
| Dinakulaan | Manila |
| Alma mater | Philippine Military Academy (BS) |
| Kasibotan | Politician |
| Trabaho | Soldier |
| Civilian awards | Presidential Government Medal |
| Military service | |
| Allegiance | .svg){kind=small} Philippines
|
| Serbisyo/sangay | Philippine Army |
| Mga taon kan serbisyo | 1970–1989 |
| Ranggo |  Colonel
|
| Battles/wars | Insurgency in the Philippines |
| Military awards | Distinguished Conduct Star |
Si Gregorio Ballesteros Honasan II (namundag Marso 14, 1948), na bisto man sa arapodan na Gringo Honasan, sarong dating tauhan sa militar sa Filipinas alagad nagin aktibo sa pulitika. Siya nagpapel na gayo sa 1986 EDSA Revolution na iyo an pangyayaring nagbungkaras asin nagrumpag kan diktadura ninsi Presidente Ferdinand Marcos. Siya namoon man sa magkapirang pagngata' na itumba an administrasyon ni Corazon Aquino. Si Presidente Fidel Ramos pigduholan siya nin indulto kan taon 1992.
Naglaog siya sa pulitika asin nagin senador kan 1995 abot 2004, asin ta liwat nagdalagan sa parehong katongdan asin nakaluwas na magsirbe poon 2007. Si Honasan nagdalagan man para bise presidente kan 2016 asin senador kan 2022, pero dae nanggana sa parehas na taon.
Pamilya
[baguhon | baguhon an source]Siya namundag sa Siyudad nin Baguio sa mga Bikolano niyang mga magurang na sinda Koronel Romeo Honasan asin Alice Ballesteros, sarong maestra. An napangagom niya iyo si Jane Umali kan Pagsanjan, Laguna, sarong medical technologist sa bokasyon asin sarong interior designer sa pag'adal. Igwa sinda nin limang aki asin apat na mako-apo.[3]
Edukasyon
[baguhon | baguhon an source]Siya nag-adal elementarya sa San Beda College sa Manila kun saen siya pirming yaon sa honor list mala ta hale sa grado 4 isinakat tolos sa grado 6. Dangan siya pinaadal sa Dominicxan School sa Taipei, Taiwan. Kan magtapos siya sa Don Bosco High School sa Mandaluyong, siya may onra man giraray. Sa Unibersidad kan Filipinas, nagkua siya nin Ekonomiks dangan naglipat sa Philippine Military Academy kun saen naggraduar siya komo "Class Baron", kagresibi kan pinakahalangkaw na leadership award. Kan 1981 siya nagkua nin Master's Degree sa Business Management sa Asian Institute of Management. Digdi nakua niya an dakulang onra naman huli sa tesis masteral na ginibo niya.[4]
Buhay militar asin mga pag'onrang iginawad
[baguhon | baguhon an source]An saiyang inagihan bilang sarong soldados makolor man asin tunay na nasapag sa mga laban kun saen nataya an saiyang buhay. Nag'agi siya sa mga enkwentro sa kahiwasan kan Filipinas, sa Luzon, Visaya asin Mindanao asin huli kaini nagawaran mga medalya, mga pasib, mga dekorasyon asin mga pagmidbid kan saiyang kaisogan sa aksyon: tolong Distinguished Conduct Stars, Gold Cross Medals, Wounded Personnel Medals pangyari kan pagtapsok niya sa mga kombat. Kan 1985 binisto siya komo saro sa Ten Outstanding Young Men (TOYM) kan Philippine Jaycees. Kan 1986, daing ariano na nagpapel bilang saro sa nangengenot na lider kan RAM (Reform the Armed Forces Movement) nagtolod kan EDSA Revolution sa paglitik asin pagpawarang suporta sa gobyerno militar itinindog ni Presidente Marcos. Siya man nagawaran kan Presidential Commendation Medal for Government Service ni Presidente Corazon C. Aquino.
Serbisyo sa gobyerno
[baguhon | baguhon an source]Kan siya nagin senador kan 1995, masabi na siya nanggad an pinakaenot na kandidatong tunay na independienteng nagdalagan mayo nag'apil sa arinman na partido pulitikal asin guminana sa sarong eleksyon nasyunal. Naelehir siya liwat kan 2001, asin naotro ini kan taon 2007. Kan eleksyon 2013, guminana asin nakaluwas siya liwat bilang senador, alagad nagdalagan siya sa irarom kan partidong UNA (United Nationalist Alliance) asin nasikwit niya an ika-12ng pwesto sa mga nanggarana.[5]. Si Honasan nagtukaw na nin tolong termino bilang senador sa laog nin mag'18 taon, sundo' 2016.
Sa sibot niya sa Senado, siya nag'ama asin katuwang nag'ama nin mga importanteng akta, arog kan Clean Air Act of 1999, Clean Water Act, National Security Policy, Disaster Risk Reduction Management Act of 2009, Solid Waste Management Act of 2000, asin kan Comprehensive Agrarian Reform Program Extension with Reforms Law (CARPER). Saiya man pinagbusol an Freedom of Information Act na nakapasar na ngane sa Senado, an National Mapping and Resource Authority Law asin an Land Use Act. Si Senador Honasan nagproponer man kan inapod na Mini-Marshall Plan for Mindanao ngane mapalukso an pag'uswag sa ekonomiya, katoninongan asin kabisayan, asin pagkaburonyog pulitika sa Mindanao. Pighihiling na ini makakabulong na gayo asin masumpo' kan siniglo nang siriplingan asin terorismo sa rona na ini.
Sa ika-16 na Kongreso, si Senador Honasan nagin naman Chairperson kan Senate Committees on Agrarian Reform, Public Order and Dangerous Drugs, asin Public Information and Mass Media. Siring man, nagtukaw bilang pamayo kan tolong oversight committee, an Congressional Oversight Committees on Agrarian Reform and Dangerous Drugs, asin kan Joint Oversight Committee on the Human Security Act. Siya Vice-Chairperson of the Senate Committees on Local Government, Civil Service and Government Reorganization, Health and Demography, National Defense and Security, Public Works, Rules, and Amateur Sports Competitiveness asin kaapil sa 19 mayor asin permanenteng mga komite asin sa 10ng oversight committee.
Mga panluwas na takod
[baguhon | baguhon an source]- [1] Archived 2015-07-22 at the Wayback Machine. Interbyu ki Gringo Honasan. Kinua 22-09-15.
- [2] Archived 2015-09-28 at the Wayback Machine.Resulta kan 2013 eleksyon. Kinua 22-09-15.
- [3] Opisyal na Resulta kan 2013 Eleksyon para Senador Pinaluwas kan COMELEC. Kinua 22-09-15.
Toltolan
[baguhon | baguhon an source]- ↑ Rappler news magazine article with video accessed March 14, 2016
- ↑ Kai Honasan writes moving story about growing up with father Sen. Gringo Honasan Archived March 15, 2016, at the Wayback Machine. news magazine article with video accessed March 14, 2016
- ↑ https://twitter.com/gringo_honasan/ Kinua 23-09-15
- ↑ http://www.senate.gov.ph/senators/sen_bio/honasan_gregorio_bio.asp Kinua 22-09-15
- ↑ http://www.comelec.gov.ph/?r=Archives/RegularElections/2013NLE/Results/SenatorialElections2013 Kinua 22-09-15.
