Grupong Maute

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Grupong Maute
Country Filipinas
Leader(s) Abdullah Maute
Omar Maute
Foundation 2013
Dates of operation 2013 (2013)–presente
Preceded by Khilafah Islamiyah Movement[1]
Active region(s) Mindanao
Ideology Radikal na Islam
Notable attacks Pebrero asin Nobyembre 2016 sa Butig
2016 sa Syudad nin Davao
2017 sa Marawi
Size dai isi
Flag AQMI Flag asymmetric.svg

An Grupong Maute' na inaapod man an sadiri na Estadong Islamiko nin Lanao, sarong radikal na grupong Islamiko binibilog nin mga dating kaapil kan Moro Islamic Liberation Front asin magkapirang mga dayong mersenaryo, pinapamayohan ni Abdullah Maute, an soboot kagtogdas kan inapod na Dawlah Islamiya na nakabase sa Lanao del Sur, Mindanao, Filipinas. An grupo natogfdas kan taon 2015. An grupo naglataw enot kan ini nakipagbalbagan sa mga tropa militar kan Hokbong Filipinas kan Pebrero 2016 na natapos nasikop totalmente an kampo kaini sa Butig, Lanao del Sur. Hinuhuna na an tugang ni Abdullah na si Omar napurohan daa duman sa ralaban, algad, may mga report na nakadulag ini bago masakop an kampo.[2] Poon kaidto sige pa an paghahasok nin ribok, katakotan asin ratak sa palibot na mga banwaan asin an gobyerno Filipino trinatrato an grupo Maute terorista na sige an pangingikil sa mga sibilyan.[3][4]

Istorya sa likod[liwaton | liwaton an gikanan]

An grupo pigtatantya may sobra sa 100 na myembro asin inaarmasan kan mga dayuhan na mga terorista. May pagtubod na an mga kaapil kaini nakikisaro man sa grupong Jemaah Islamiya, sarong teroristang grupo man na nakabase sa Indonesya. Sinasabi man na posible may pakikisaro man ini sa Islamic State of Iraq and Syria (ISIS) asin nahihiling nagwawagayway kan itom na bandera kan ISIS dawa an iba nagsasabi na pahiling sana ini ngane mabisto sinda, asin makapakusog sa propaganda ninda.[5]

Enot na nakasagupa kan militar an grupong ini kan nakipagputokan ini sa sarong checkpoint kan gobyerno sa Madlaum, Lanao del Sur. An dati nindang kwartel na Butig iyo man an pig'erokan kan Moro Islamic LIberation Front asin ta an mga myembro sa duwang grupo magkarelasyon man sa dugo o sa pagka'abot.[6]

Pag'atake kan Grupo Maute sa Siyudad Marawi[liwaton | liwaton an gikanan]

Kan Mayo 22, 2015 naglaog an Grupong Maute asin nag'okupar sa mga estratihikong lugar kan siyudad nin Marawi. Pinagreport na sarong padi an pigkidnap, magkapirang kristiyano an ginaradan, asin magkapirang mga edipisyo an sinurulo. Mala ta an militar naglaog na sa siyudad sa tuyong paglabanan asin mapatalsik an grupo o magkadarakop man an mga myembro kan Maute. Hanggang ngonyan mayo pang malinaw kun noarin masusupil an mga terorista.[7][8]

Toltolan[liwaton | liwaton an gikanan]

  1. Franco, Joseph. "Mindanao after the Philippines presidential elections". http://asiapacific.anu.edu.au/newmandala/2016/03/09/mindanao-after-the-philippines-presidential-elections/. Retrieved on May 27, 2016. 
  2. [1] CNN.com. K<inua 27-05-17
  3. [2] Trackingterrorism.com. Kinua 27-05-17
  4. [3]newmandala.org. Kinua 27-05-17
  5. http://www.philstar.com/headlines/2016/03/11/1561756/training-manuals-found-militants-camp]Philstar.com. Kinua 27-05-17
  6. [4]CNN.com. Kinua 27-05-17
  7. [5]news.abs-cbn.com. Kinua 27-05-17
  8. [6]AOL.com. Kinua 27-05-17