Gulay na kamoteng kahoy

An gulay na kamoteng kahoy iyo an dahon-ogbos an ginugulay.

Pagluto

Ginigiris an mga ogbos dahon. Tapos magguta' nin niyog. Luto-lutoon na ngona an guta sa kaldero na kinaagan na kan mga rekado: bawang, sibulyas, dikit na laya saka dikit na asin na magnamit. Dangan ikaag na an mga giniris na ogbos dahon kan balinghoy (kamoteng kahoy). Aloyooy sana an kalayo ngani dai malo'nok an gulay. Kun medyo ati na saka naglalana-lana na an hitsura, tamang-tama na an pakaluto. Haonon na saka isirbi. Kun gustong maharang-harang, isabay an sili (lada') sa rekado.