Jump to content

Guo Xi

Gikan sa Bikol Sentral na Wikipedia, an talingkas na ensiklopedya
Guo Xi
Early Spring], pirmado sa petsang 1072. Nakasabit na palitong, tinta asin kulay sa seda 158.3x108.1. National Palace Museum, Taipei.
Kamundaganc. 1020
Kagadananc. 1090
NasyunalidadTsino
Midbid bilangPintura
PaghiroNorteng Kanta
Snow Mountain by Guo Xi, collection of the Shanghai Museum. Si Guo sarong representasyon nin mga pintor nin ta'nawon kan sa dinastiyang Northern Song, midbid na gayo sa pagdrowing nin mga bukid, salog asin mga kadlagan sa panahon nin winter. An piyesang ini nagpapahiling kan sarong tagbo nin hararom asin tuninong na kalipakan sa bukid patos sa niyebe asin pinakita man mga gururang nang kahoy nagpipirit mabuhay sa mga bulasok na bulod. Saro ining masterpiece ni Guo Xi na guminamit nin mapu'saw na tinta asin mahusay na pagmukna' sa saiyang paghayag kan saiyang halangkaw asin artistikong paglalang.
Autumn in the River Valley

Si Guo Xi (Chinese: 郭熙; pinyin: Guō Xī; Wade–Giles: Kuo Hsi) (c. 1020 – c. 1090)[1] sarong Tsinong ta'nawon na pintor gikan sa probinsya nin Henan[2]na nag'estar durante kan dinastiya nin Northern Song. Sarong teks tituladong "The Lofty Message of Forest and Streams" (Linquan Gaozhi 林泉高致) nasasabing saiya. An trabaho sinasakop magkapirang tema na nasesentro sa maninigo na paagi nin pagpintura nin mga ta'nawon. Siya sarong propesyonal sa korte, sarong literatus, edukadong husto na pintor na nakahimo nin detalyadong sistema nin paggamit kan brutsa na ini nagin importanteng bagay para sa nag'arabot pang ibang mga pintor. Saro sa bantogon niyang trabaho iyo an Early Spring, petsado 1072. An obra nagmomostra kan saiyang mga teknik na naiiba sa pagprodyusir nin manlaen-laen na perspektiba na inapod niyang "an anggulo nin totalidad." An siring na tipong biswal na representasyon inaapod man na "Naglalataw na Perspektiba", sarong paagi na nahale kan "toog na paghiling" kan paradalan asin tinata'wan doon an pagkairiba kan modo nin representasyon sa pag'ultan kan Tsino asin Sulnopan na mga pintor.

An mga minasunod sarong sinapi' sa saiyang treatise, "mga bukid asin mga tubig":

An mga panganoron asin mga ambon nin tunay na ta'nawon dai parehas sa apat na panahon. Sa tig-bururakan an mga ini maliwanag aain warak, sa summer, ini mahi'bog asin dusok, sa tigtarataan ini kururiyat asin mahimpis, sa winter ini malomlom asin solo-solo. Kun ining mga epekto nahihiling sa mga retrato, an mga panganoron asin mga ambon igwang hinangos nin buhay. An mga alopoop sa mga bukid bakong magkaaragid sa apat na panahon. An mga bukid sa tigbururakan masilyab asin nakakabihag na siring sa naghuhuyom baga: an mga bukid sa summer igwang asul-berdeng kolor na baga nalapagap igdi sa mga bukid; an mga bukid kun tigtarataan makintab asin malinig na garo bagong pintado; an mga bukid sa winter mamundo asin tuninong na garo natuturog.[3]

Si Guo Xi parati nauunambitan na "Northern Song master" pag pintura piguurulayan. An saiyang trabaho nakakatabang-puso sa mga nagkahururing mga artista asin igwa nganing mga ta'nawon na saiya idinulot. An saiyang daing-gayo bantog na obrang "Deep Valley" nagmomostra nin sarong toninong na kalipakan sa bukid natatakloban nin niyebe asin mga kahoy nagkukurapot sa gilid kan bulasok na mga bulod na gusto man mabuhay. An tinta nahugas asin an mga hinis kan brutsa ginagamit na magsarama sa mga kapatagan na garo baga tinatago an epekto kan pagtataklob kan atmospera. Saro sa teknik ni Guo Xi iyo an pagsuruknong kan paghagod kan tinta ngani maglataw an mga porma asin ta an "Deep Valley" masterpiece sa paggamit kan tintang mapu'saw asin mahusay na paghahaman kaini.[4]

An aki niya ngapit ipigladawan kun pano si Guo Xi napoon sa saiyang pagpinta: "Sa mga aldaw na siya mapintura, matukaw na siya sa malinig na lamesa , sa gilid nin bintanang maliwanag, nasulo nin insenso wala too. Pipilion na an mga pinong brutsa, an napapalaen na mga tinta; mahanaw kan saiyang mga kamot, linigan an kaka'gan tinta, na garo baga may hinahalat na bisitang importante. Nahalat siya sagkod na an isip asin boot niya kalmado asin tuninong, dangan siya mapoon na."[5]

Hilnga man[baguhon | baguhon an source]

Nota[baguhon | baguhon an source]

  1. Barnhart: Page 372. An ki Guo Xi na istilong pangaran Chunfu (淳夫)
  2. Ci hai: Page 452
  3. The Rise and splendour of the chinese empire, rene grousset, p. 195
  4. Hearn, Maxwell K. Cultivated Landscapes: Chinese Paintings from the Collection of Marie-Hélène and Guy Weill. New York: The Metropolitan Museum of Art, Yale University Press, 2002.
  5. Quoted by Arthur Waley in "Chinese Philosophy of Art-IV" in Burlington Magazine, vol. xxxviii, No. ccxviii, p. 247 in Jenyns, Soame. A Background to Chinese Painting. New York: Schocken Books, 1966, p. 134

Susugan[baguhon | baguhon an source]

  • Barnhart, R. M. et al. (1997). Three thousand years of Chinese painting. New Haven, Yale University Press. ISBN 0-300-07013-6
  • Ci hai bian ji wei yuan hui (辞海编辑委员会). Ci hai (辞海). Shanghai: Shanghai ci shu chu ban she (上海辞书出版社), 1979.
  • Guo Xi's Early Spring