Hann Forest and Zoological Park
An Hann Forest and Zoological Park (French: Parc forestier et zoologique de Hann) sarong reserbadong sityo namomogtak sa Dakar, an kabesera nin Senegal, miswmo sa may komyun nin Hann Bel-Air.
Historya[baguhon | baguhon an source]
Kan 1903, Martial Henri Merlin, sarong Pranses na aministrador kolonyal naisipan na magtugdas nin sarong hardin asin atamanan nin mga tinanom sa gabos na mga kolonya kan French West Africa, asin ta kan taon na 1904, an kinaag na hardin nagsusukol nin 73 ektarya; kan 1908, sarong inapod na Central Agronomic Station namukna man. Kan 1912, mga eksperimento ginibo sa pagdara igdi nin iba-ibang species nin pananom sa parke arog kan 8500 tinanom na niyog haleng Benin, 1500 filaos asin 3500 eucalyptus na kahoy. Ultanan nin 1914 asin 1918, fruit orchard minukna man kun saen mga prutas arog kan batag, pinya pigtaranom. Kan 1933, an tinanom na Melaleuca leucadendron pigintrodyusir sa parke ngani matahoban an mga katangyanan kan parke. Kan 1935, an zoo binukas sa publiko asin ta sarong aquarium an binuksan pa. Kan 1940, an zoo nagsirbing pailihan sa mga residente kan siyudad kan nagputok an Batalya nin Dakar. Kan 1947, sarong arboretum sa zoological park ikinaag, sa katuyohan masaray an mga katutubong tinanom yaon sa French West Africa.[1]
An enot na direktor kan zoo iyo si Amadou Mactar Dieng, iba pa man na mga direktor mga kumander arog ki Lamine Guèye asin mga koronel na sinda Omar Diagne, Kondé Sylla, Oumar Diaw, Madeleine Cissé asin Mactar Fall. Kan 2002, nababareta na an zoo igwang saray na 134 na mga hayop arog kan hyena asin gazelle. Kan 2013, an bilang kan mga hayop sa zoo nag'abot 187.[2]
Species[baguhon | baguhon an source]
An zoo igwang mga buaya, mga leon, gansong Gambian, python reptiles, dingoe, guinea fowls, dromedaries, mga baoo, asin mga pelican, asin iba-iba pang mga species nin mga primate arog kan chimpanzees asin cynocephalic primates. An zoo igwa man mga lalong, mga parrot asin mga salampati. An zoo igwa man nin botanikal na hardin nin manlaenlaen na nagbuburakon na mga species.[3]
Ethnobotanical Garden[baguhon | baguhon an source]
An etnobotanikal na hardin (Pranses: Jardin ethnobotanique) pig'inaguraran kan 1934, ini napipisan sa 13 seksyon okupado an 2.5 na ektarya. Igwa ini nin nin sobra sa 250 na klase nin mga tinanom arog kan nagbuburunga, mga gulayon asin mga tinanom na herbal.[4]
Toltolan[baguhon | baguhon an source]
- ↑ "Parc forestier et zoologique de Hann". Au-Senegal (in French). 2012-03-28. Retrieved 2021-12-01.
- ↑ Mamadou, Camara; Diallo, Oumou; Diallo, Cheikh (2013-09-12). "D'une foret a un zoo, en 110 ans d'histoire". SenePlus (in French). Retrieved 2021-12-01.
- ↑ "Covid-19, confinement,inondations : Le parc de Hann, un désert à Dakar". Le Quotidien (in French). 2020-11-24. Retrieved 2021-12-01.
- ↑ "Jardin ethnobotanique du parc de Hann : découverte d'un trésor caché". Senegal7 (in French). Retrieved 2021-12-01.
[[Kategorya: