Harong na gapo
An harong na gapo iyo an klase nin edipisyo na naggikan sa kolonyal na panahon kan Kastila sa Filipinas. Iyo iyan an updated na bersyon kan harong na payag kan Kristyanisadong nakaistar sa kabâban, midbid huli sa saiyang paggamit nin mason sa pagtogdok, naggagamit nin gapo asin brick na materyal asin sa kahurihi sintetikong paril, imbes nang biyong organikong mga materyales kan dating estilo. Naliwat an desinyo sa bilog na panahon, alagad nagdanay an prinsipyo sa arkitektura kan harong na payag, kun saen inadaptar an tropikal na klima, mabagyong panahon, asin kapalibotan na pirming naglilinog sa bilog na kaislahan kan Filipinas, asin sinalakan kan impluwensiya kan mananakop na Kastila asin mangangalakal na Intsik. Midbid iyan sa dakol na arkitektura sa bilog na Imperyong Espanyol bilang Arquitectura mestiza. An estilo sarong hybrid na Austronesyo, Espanyol, asin Tsino; asin sa huri, kaidtong kaamayi kan ika-20 na siglo kan arkitekturang Amerikano, sinusuportaran an katotoohan na an Filipinas iyo an resulta kan sinaralak na kulturang ini. An saiyang komun na itsura iyo an nakaangat asin nakabitay na kahoy na bintaas (may kaibang balustre, bentanilyas, asin Capiz shell na sliding windows) nakatindog sa poste sa rectangular na areglo bilang pundasyon. Nakabugtak an mga poste sa likod kan mga solidong gapong bloke na estilong Espanyol na nagtataong impresyon kan primerong eskalon, alagad an ground lebel iyo an piggagamit bilang kwartong tambakan, cellars, tindahan, o iba pang gibo na may kinaaraman sa pagnenegosyo. An materyales kan atop kun bakong gibo sa tiles o nipa, sa kahurihi kan ika-19 na siglong mga disenyo na nagtatampok nin galbanisasyon.
