Harvey Logan
Si Harvey Alexander Logan (1867 - Hunyo 17, 1904), midbid man sa bansag na Kid Curry, sarong Amerikanong bandido asin pistolero na kaiba ni Butch Cassidy asin kan grupong Wild Bunch na si Sundance Kid an lider. Dawa daa an bandidong ini bakong gayong bantog kumpara sa kairiba niya, siya naoonabing iyo an "pinakamaisog sa mga kasararo niya sa grupong Wild Bunch". Soboot ini si Logan dai mababa sa siyam na mga pulis an saiyang nagadan imbwelto sa limang okasyon nin baradilan, asin duwa pang nadamay sa magkapira pa man na enkwentro.
Si Kid Curry namundag sa Richland Township, Tama County, Iowa. May duwa siyang tugang, si Hank asin si Lonny. Kan may nabisto siyang tawo pangaran "Flat Nose" George Curry asin naamigo niya, pinagmarhay niyang gamiton na an apelyido kaini. Pati si duwang tugang niya nag'arog naman. Si nasabing sagkod taon 1883, an hanapbuhay ni Kid Curry iyo an pagmanso nin mga kabayo. An tolong magturugang mga mahihigos sa trabaho alagad mgs parainom asin mahilig maglinga sa babae.
Naba'go asn buhay n iya kan an saiyang tugang na si Han k saka kabakas kaini na si Jim Thornhill nakabakal nin rantso sa Rock Creek, Montana na dati inaapod na Chouteu County. Harani an rantso sarong sarong minahan pagrorogaring ni Powell "Pike" La ndusky, minero asin pulis. Si Landusky pinag'atubang asin pinagkolgan si Kid Curry asin pigsudya na nakikirelasyon sa aki niyang si Elfie. Pakatapos kan insidente, si Kid Curry pa an pigdsa'ngatan kaso, pigbanog asin kulong. Nakaluwas sana sa preso ta may duwa siyang amigo si A. S. Lohman asin Frank Plunkett nagbayad piyansang $500. Kan Des. 27, 1894, nanagboan ni Curry si Landusky sa sarong inoman asin saiyang binuntol sa kaanggotan. Pagtalikod niya hinulbotan siyang pistola ni Landusky alagad gta siya mahyong badil, an amigo niyang si Jim Thornhill, pinasahan siyang padali nin badil asin sa pagbaradilan, an badil ni Landusky nagbara kaya napurohan niya duman tolos. Sa pagtubod na dai mansana siya makakakua nin hustisya ta idtong huwes amigo ni La ndusky, pinagmarhay niyang magdulag na asin maghale sa banwang idto.
Igdi na nahirang gayo an buhay niya.
Buhay bandido[baguhon | baguhon an source]
Nagbali na siya sa grupo ni "Black Jack" Ketchum na saro man na bandido. Kan mahigingan niyang an sarong rantsero na si James Winsters, amigo ni Landusky, pig'eespiyahan siya ta siya may putong na sa payo nin premyo ta pighahanap na siya kan mga awtoridad, dinumanan niya ining si Winters ta pigsudya kaiba an duwa niyang tugang si Johnny asin Lonny. Nagkasirimbagan asin nagbaradilan. Nagadan an tugang niyang si Johnny pero sindang duwa ni Lonny nakadulag. Dangan kaidto sindang duwa dai naka'oyon si Ketchum sa barangaan kan hina'bonan sa tren kaya naglitik sa grupo. Nagbali sa sarong circus.
Alagad, nag'empleo pa sinda sa rantso sa Sand Gluch, Colorado. Manta sinda saka si Walt Putnam asin George Curry nagbilog nin sadiring gang sa tuyong manglaog asin magha'bon.
