Hetauda
Hetauda हेटौंडा | |
|---|---|
 Syudad nin Hetauda | |
  Hetauda Kinamumugtakan sa Nepal  Hetauda Hetauda (Nepal) | |
| Tagboan: 27°25′N 85°02′E / 27.417°N 85.033°ETagboan: 27°25′N 85°02′E / 27.417°N 85.033°E | |
| Country | Nepal |
| Probinsya | Probinsya nin Bagmati |
| Distrito | Makwanpur |
| Pamamahala | |
| • Tipo | Alkalde–konseho |
| • Alkalde | Hari Bahadur Mahat (NCP) |
| • Deputadong Alkalde | Mina Kumari Lama (NCP) |
| Hiwas | |
| • Kabuuhan | 261.59 km2 (101.00 sq mi) |
| Elebasyon | 345 m (1,132 ft) |
| Populasyon (2015) | |
| • kabuuhan | 154,660 [2,011] – Census |
| Sona nin oras | UTC+5:45 (NST) |
| Post code | 44100, 44107 |
| Area code(s) | 057 |
| Websityo | www |
An Hetauda (Nepali: हेटौडा, pagsayod [heˈʈʌu̯ɽa]) sarong sub-metropolitanong syudad sa Distritong Makwanpur kan Probinsya nin Bagmati sa katahawan na Nepal. Ini an administratibong punong-tanggapan kan Distrito nin Makwanpur asin an kapitolyo iyo an Probinsya nin Bagmati susog sa idineklara kan kadaklan. (105 sa 110) mga kaapil kan Pamprobinsya nin Asembleya kadtong ika-12 nin Enero 2020.[1] Saro ini sa pinakadakulang mga syudad kan Nepal. Sa panahon kan sensus kan Nepal kadtong 2015, igwa ining populasyon na 153,875 katawo.[2]
Mahihiling an sub-metropolitanong syudad na Hetauda sa tagpuan kan duwang midbid na national highway viz. Tribhuvan highway asin Mahendra highway. Ipigdeklara ining munisipalidad kadtong 1969 A.D (2026 B.S), alagad malumya an pag-uswag. Naglangkaw an momentum kang an syudad, naging punong-tanggapan kan distrito nin Makwanpur kadtong 1982A.D (2039 B.S). Pigkokonsiderar ini na sarong "Syudad na berde" nin huli ta an syudad nagtanom nin mga poon sa magkabalyuhan na gilid kan tinampo.
Madudugangan an Hetauda sa rayong 76 km gikan sa kapitolyo syudad na Kathmandu, sa paagi kan fast track, sa rayong 132 km sa paagi kan Daman, Tribhuvan Highway asin 224 km sa paagi kan Narayangadh. Saro pang Kanti Lokpath highway an itutugdas sa laog kan Mayo 2018, asin aabuton sana nin 2 oras an pagbaklay gikan sa Hetauda sagkod sa Kathmandu. Arog pa man kaito, an inot na laugan kan tinampo ginigibo na pinagtutubudan na nagpapalipot sa distansya sa tanga kan Hetauda asin Kathmandu. Nilalauman na an oras kan pagbaklay gikan Kathmandu sagkod sa Hetauda sa paagi kan road tunnel, magiging 57 min asin 13 sec sana.
Nakahigda sa tahaw na rehiyon kan nasyon, tultol ining mahihiling sa tahaw kan distrito nin Makwanpur. Ini yaon sa 27°25' N latitud asin 85°02' E longhitud asin mahihiling sa antas na 300-390m sa ibabaw kan nibel kan dagat. An kabilugan na hiwas kan syudad maabot sa 261 km2 kung sain sa palibot mga 254 km2) kadagaan asin an natatada na 7 km2 (3%) naglalaog nin tubig. An mga Kasagkudan kaini: Subangan: Chhatiwan V.D.C Sulnopan: Manahari, Haandikhola asin Sarikhet V.D.C Amihanan: Naamtaar, Bhainse asin Makwanpurgadhi V.D.C Habagatan: Distrito nin Bara asin Parsa, napapalibutan an syudad nin tolong salog—an Rapti sa sulnopan, an Samari sa amihanan, asin an Karra sa habagatan—asin parte ini kan sarong importanteng mga rehiyon nin industriyal. Nabilog an banwaan nin huli ta sa kinamumugtakan kaini sa kalabaan kan Tribhuvan Highway, asin dai nahaloy, itinakod sa saro pang panginot na nasyunal na dalan: an Mahendra Highway, na midbid man sa East-West Highway.
An Hetauda igwa nin kabilugan na populasyon na 154,660 (2011– Census).
Naonrahan ini bilang pinakamalinig na syudad kan Nepal sa taong 2016 asim 2017. Apwera sa natural na kapalibutan, igwang pirang mga monumento asin makasaysayang lugar na bibisitahon sa syudad na ini arog kan Makawanpur Gadhi asin Templo nin Pathivara Devi.
Ang pinakadakulang industriyal na ari-arian kan Nepal, mahihiling man sa Hetauda. Ini komon nq midbid sa Hetauda Industrial Estate (HIE). An mga pabrika arog kan Pabrika nin Semento kan Hetauda, Riddi Siddi Cements, Asian Paints, Yeti Paints industries atbp. yaon man digdi.
Hilingon man
[baguhon | baguhon an source]Mga toltolan
[baguhon | baguhon an source]- ↑ "PA decides to call Province 3 Bagmati, with Hetauda as its permanent HQ". The Himalayan Times (in English). 2020-01-13. Archived from the original on 28 November 2020. Retrieved 2020-01-14. Unknown parameter
|url-status=ignored (help) - ↑ "Nepal Census 2001". Nepal's Village Development Committees. Digital Himalaya. Archived from the original on 12 October 2008. Retrieved 9 December 2008. Unknown parameter
|url-status=ignored (help)
Mga panluwas na takod
[baguhon | baguhon an source]- Hetauda Municipality Archived 2021-11-17 at the Wayback Machine.