Hillevi Rombin
| Hillevi Rombin | |
|---|---|
| Ladawan:Hillevi Rombin 1955.jpg Si Rombin kan 1955 | |
| Kamundagan | Hillevi A.K. Rombin Septyembre 14, 1933 Uppsala, Sweden |
| Kagadanan | Hunyo 19, 1996 (edad 62) Los Angeles, California |
| Titulo | Miss Sweden 1955 (nanaog) Miss Universe 1955 (nanaog) |
Si Hillevi Rombin Schine (Setyembre 14, 1933 – Hunyo 19, 1996) sarong dating Swedish na aktres asin reyna nin kagayonan na kinoronahan bilang Miss Sweden asin iyo an ikaapat na nanaog nin titulong Miss Universe kan 1955. Siya kinoronahan bilang Miss Sweden Universe 1955 ni Miss Sweden Universe 1954, Ragnhild Olausson. Kan 1996, she siya an pinakainot na titulada nin Miss Universe na nagadan na.[1]
Biograpiya
[baguhon | baguhon an source]Siya nagdakula sa Uppsala, Uppland, asin nagin kampeon sa nasyonal na lebel sa decathlon bago maglaban sa pagarayonan. Sarong kahanga-hangang atleta, si Rombin nagin matriumpo sa gymnastics, track & field, asin downhill skiing. Matapos manggana sa pagarayonan, siya naghali sa Sweden asin nagduman sa Hollywood tanganing mautob an saiyang kontrata sa pag-arte sa Universal Pictures, parte kan saiyang premyo bilang Miss Universe. Siya nag-adal kaiba si John Gavin, Clint Eastwood, asin Barbara Eden, kabali an iba pang mga aktor. Inilaag siya kan Universal sa duwang pelikula, na igwa sana saro o duwang linya, tanganing matawan nin ilaw asin eksperyenssua. Siya tinawan nin kredito para sa mga papel na igwa nin haralipot na linya sa duwang pelikula. Sa The Benny Goodman Story (1955) siya naghagap nin pirma o autograpiya[2] asin sa Istanbul (1957) siya nagluwas bilang sarong flight attendant sa puro kan pelikula bago ini matapos.[3]
Durante kan saiyang pagreynar bilang Miss Universe, mantang nababyahe sa Estados Unidos, nanagboan niya an saiyang magigin agom na si G. David Schine, na an pamilya yaon sa negosyo ni hotel asin lalaogon man an negosyo sa pelikula asin musika. Ipinundo ni Rombin an karera sa pag-arte tanganing makatotok sa buhay may-agom, na magkakaigwa nin dakulang pamilya ki Schine. Nagkaigwa sinda nin anom na mga aki, asin naglawig nin 40 taon an saindang relasyon sagkod na magadan nin sabay kan 1996.[4]
Siya patin an agom asin saro sa mga aking lalaki nagadan sa pagbagsak nin eroplano kan 1996, resulta kan pagpalya kan makina matapos an paglupad kaini. Siya 62 na taon asin an pinakainot na Miss Universe nagadan. Siya asin an saiyang agom patin aking lalaki inilubong sa Westwood Village Memorial Park Cemetery.[5]
Pelikulohiya
[baguhon | baguhon an source]| Taon | Titulo | Papel | Toltolan |
|---|---|---|---|
| 1957 | The Adventures of Hiram Holliday | Episode: "Sturmzig Cuneiform" | |
| 1957 | Istanbul | Air Hostess | (pinal na papel sa pelikula) |
Toltolan
[baguhon | baguhon an source]- ↑ "Gerard David Schine Bio".
- ↑ Internet Movie Database: The Benny Goodman Story (1956), accessed March 8, 2011
- ↑ Internet Movie Database: Istanbul (1957), accessed March 8, 2011
- ↑ "G. David Schine Is Married". New York Times. October 23, 1957. https://www.nytimes.com/1957/10/23/archives/g-david-schine-is-married.html. Retrieved on 2008-03-11. "G. David Schine, former investigator for the late Senator Joseph R. McCarthy, and Miss Hillevi Rombin of Upsala, Sweden, who won ..."
- ↑ Lawrence Van Gelder (June 21, 1996). "Crash Kills G. David Schine, 69, McCarthy-Era Figure". New York Times. https://query.nytimes.com/gst/fullpage.html?res=9B05E1DC1E39F932A15755C0A960958260&scp. Retrieved on 2008-03-11. "G. David Schine, a catalytic figure in the fierce drama that brought to a climax the chapter in American history known as the McCarthy era, was killed on Wednesday when a single-engine plane piloted by his son Berndt crashed shortly after takeoff from Burbank, Calif. Mr. Schine, who was 69 and lived in Los Angeles, died with his wife, Hillevi, 64, and their son, 35. No one else was aboard the plane. ..."
