Jump to content

Hustisyang pankapalibutan

Gikan sa Bikol Sentral na Wikipedia, an talingkas na ensiklopedya

An hustisyang pangkapalibutan sarong sosyal na mobimiento na nagtataong atensyon an mga bakong makatanosan na pagkalantad kan mga nagsasakit asin marhinalisadong komunidad na magdanyar sa pagkua nin produkto, peligrosong basura, asin iba pang gamit sa daga.[1] An hiron nagprodusir nin ginatos na adal na nagpapatunay sa ugaleng ini nin dai man kaipuhan na pagkalantad sa mga danyos sa palibot[2], siring man nin dakulang grupo nin mga babasahon sa social science na kaiba an mga teorya kan palibot asin hustisya, mga batas sa palibot asin mga polisiya sa ekolohiyang politikal.[1][3] Ini nagpoon sa Estados Unidos kan mga taon 1980 asin naimpluwensiahan na gayo kan American civil rights movement.

An orihinal na konsepto kan hustisya sa palibot kan taong 1980 nakasentro sa mga danyos sa nagkapirang sararadit na grupong rasyal sa laog kan mayaman na mga nasyon arog kan Estados Unidos asin minukna bilang rasismo sa palibot. An mobimiento kan huri pinahiwas sa mas kompletong pagkonsiderar sa sekso, internasyonal na diskriminasyon sa palibot, asin dai pagkapantaypantay sa laog nin daing sukat na mga grupo. Mantang nagigin mapanggana an mobimiento sa maoswag asin mayaman na mga nasyon, an mga pagabat sa palibot ibinalyo sa Global South. Sa siring, an mobimiento para sa hustisya sa palibot nagin mas lakop sa globo, na an nagkapira sa mga katuyohan kaiyan sinusuportaran na ngonyan kan United Nations.

Susugan[baguhon | baguhon an source]

  1. 1.0 1.1 Schlosberg, David. (2007) Defining Environmental Justice: Theories, Movements, and Nature. Oxford University Press.
  2. Malin, Stephanie (June 25, 2019). "Environmental justice and natural resource extraction: intersections of power, equity and access". Environmental Sociology. 5 (2): 109–116. doi:10.1080/23251042.2019.1608420. S2CID 198588483 – via Taylor and Francis.
  3. Miller, G. Tyler, Jr. (2003). Environmental Science: Working With the Earth (9th ed.). Pacific Grove, California: Brooks/Cole. p. G5. ISBN 0-534-42039-7.