Iglesya Katolika sa Kyrgyzstan

An Simbahan Katoliko sa Kyrgyzstan parte kan pankinaban na Simbahan Katolika, sakop kan espirituwal na liderato kan Papa sa Roma.

Mga Demograpiko

Igwa nin nasa mga 670 Katoliko sa nasyon kan 2020 na igwang tolong parokya (Bishkek, Talas, asin Jalal-Abad) asin mga sentro nin Misa sa ibang banwaan asin baryo. An Heswitang si Fr. Anthony Corcoran kan USA Central asin Southern Province kan Sociedad ni Jesus iyo an presenteng Administrador Apostoliko, na kinua si Janez Mihelčič kan Agosto 29, 2017. Kan 2020, an nasyon pinaglingkodan nin limang Jesuita asin duwang pading diocesano, siring man kan pitong madreng Franciscano. Kadaklan kan mga Katoliko sa nasyon iyo an kapagarakian kan mga Aleman, Poles asin iba pang etnikong grupo sa Europa na pigdeportar sa Asya Sentral ni Joseph Stalin kan taon 1930s asin 1940.

An mga Katoliko enot naunambitan sa rehiyon na ini poon kan ika-14 siglo, kadaklan sa teritoryo nin presenteng Kazakhtan. An mga misyonerong Katoliko nag-abot sa Kyrgyzstan pangenot na hale sa Tsina, sagkod kan kapinonan nin ika - 19 asin ika - 20 siglo. Poon 1918 sagkod 1930, an lugar kan Kyrgyzstan napasairarom kan parokya nin Tashkent. Kan 1937, duman nagpoon an paglamag sa Iglesya Katolika, linaglag an mga iglesia asin gabos na padi ipinagdeportar o ginaradan. Kan panahon na idto, huli sa lagdoan na pagdeportar sa Asia Sentral (na mayo nin pagkakaagid minsan kan kapanahonan nin tsar), nag-abot an paglaog kan mga Katoliko hale sa lugar nin Volga, Ukraine, Polandia asin Dagat Baltiko.

An inot na simbahan Katoliko sa nasyon itinogdok kan 1969 nin maimbod na Aleman, asin tinawan man sinda nin legal na pagmidbid kan taon mansanang idto. An ikaduwang eskalon kaini itinogdok kan 1981 huli sa pagtalubo nin komunidad.

1991 hanggan sa presente

Pagkatapos kan independensya nin Kyrgystan sa Unyon Sobyet kan 1991, nagin parte an nasyon nin Pamamahalang Apostoliko para sa Sentral Asia na nakabase sa Karaganda, Kazakhstan. Kan 1997, inestablisar ni Papa Juan Pablo II an sui-juris Catholic Mission para sa Kyrgyzstan na nasa pangangataman kan orden relihiyosong Jesuita. Kan taong 2006, pinadakula ini sa sarong Apostolic Administration asin pinangaranan si Nikolaus Mesmer an pinaka-enot na obispo kan nasyon. Nagtindog na man an Vaticano nin diplomatikong relasyon sa Kyrgyzstan. An simbahan medyo libreng nag-operar sa nasyon kan 2001, dawa na nagkaigwa ini nin mga problema sa pagparehistro sa komite kan estado manungod sa relihiyosong mga aktibidades. An mga padi nasasakitan na magtrabaho sa nasyon nin kadakul na dayuhan asin dapat makakua nin permiso o visa kan estudyante. An halawig pagbiahe komun para sa pirang padi sa nasyon tanganing dalawon an dakol na saradit na Katolikong komunidad sa nasyon. An relasyon ekumenikal sa ibang Kristiyanong mga simbahan positibo, lalo na kun yaon sa localidad.

Hilngon pa

• Relihiyon sa Kyrgyzstan
• Kristiyanidad sa Kyrgyzstan
• Pamamahalang Apostoliko nin Kyrgyzstan

Panluwas na mga takod

• Apistolikong Pamamahala Katoliko sa Kyrgyzstan
• Iglesya Katolika sa Kyrgyzstan
• Simbahan Katoliko sa Kyrgyzstan (hale sa *Catholic-Hierarchy website)
• Enot na Katolikong Obispo sa Kyrgyzstan pinagconsegrar sa Roma - Mga Bareta sa mga Jesuita sa Europa
• Mga Tabang kan Iglesia sa mga Biktima nin Hunyo 2010 Kadahasan sa Timog Kyrgyzstan - Katolikong Serbisyo Para sa Pag ayuda
• Katolikong Saserdote sa Kyrgyzstan - Amerika Magazine