Imprenta de la Sagrada Familia

Publikasyon kan Imprenta La Sagrada Familia, Nueva Caceres ( now Naga City, Philippines) . Publ.1896

An Imprenta de la Sagrada Familia iyo an pinakainot na imprentahan tinugdas sa Nueva Caceres (ngunyan Syudad nin Naga), Filipinas, kan taon 1892. Ini pagsasadiri ni Mariano Perfecto. Ngapit sinanglean niya an pangaran kaini. Inapod na niyang Imprenta y Libreria Mariana.

Imprenta kan Sagrada Familia asin Mariana

Daing gayong kalinawan an kamugtakan kan imprentahan na ini alagad si Prof. Maria Lilia Realubit komo kontributor sa ensayklopidya na pinaluwas kan Cultural Center of the Philippines (CCP Encyclopedia of Philippine Art. Vol IX, p. 704-05) nagsabi:

"...kan taon 1890, sa imbitasyon ni Obispo Arsenio Ocampo, si Perfecto (si Mariano Perfecto, boot niyang sabihon) nagkaag nin imprentahan asin tindahan-libro sa Naga. An mga establiciementong ini - an Imprenta de la Sagrada Familia asin Imprenta Mariana (Mariana, nasala sa pagimprenta) iyo an pinakaenot na natogdas igdi sa Rehiyon Bicol."

Sa parehong tomo kan ensayklopidya (p. 302), alagad sa ibang artikulo, ini an dinagdag pa ni Realubit:

" Si Mariano Perfecto itinogdas an Imprenta La Panayana sa Manduriao, Iloilo kan taon 1877. An imprentahan na ini nagsige hanggan 1965, na pinapalagda bako sanang mga librong relihiyoso kundi man mga sarsuela, korido, nobela asin berso. Kan 1892, si Perfecto tinogdas man an Imprenta Sagrada Familia sa Nueva Caceres (ngonyan Ciudad kan Naga) na nagpalagda' nin mga folletong relihiyoso, mga berso asin mga debosyonal."

Alagad may dikit na karibongan ta sa Vol. 1 pahina 115 kan parehong ensayklopidya ini an nasambit ni Realubit:

"... Sa sirong kan Palacio (residensya kan Obispo nin Caceres), si Mariano Perfecto, sa pag'agda ni Obispo Arsenio Ocampo, ikinaag an Imprenta de Nuestra Señora de Peñafrancia kan taon 1890."

Arin man igdi o pareho mansanang imprentahan an tinotomoy dai pang ebidensya, alagad may mga imprentadong materyal na nagruluwas kan mga taon na idto na nagpapatotoo kan Imprenta La Sagrada Familia.

An imprentahan na ini iyo an nagpoon magpadakula asin magpalakop kan kanoodan igdi sa Ronang Bicol, asin huli kaini dakul na an nagbabarasa sa mga Bikolano.

Hilingon man

• Imprenta de Nuestra Señora de Peñafrancia
• Libreria y Imprenta Mariana

Ginunuan

• Philippine Literature, IX, Aretists and Organizations. p.704-705, p. 302. CCP Encyclopedia of Phiippine Art. Cultural Center of the Philippines. CCP Complex, Roxas Blvd. Manila, Philippines. Printed by Vera-Reyes, Inc. 1st Printing, 1994. 10 vol.
• Retrato kan libritong "Buhay ni San Dumas..." asin mismong libritong ini, hale sa R. Olaño Bikol Collection.