Inang Teresa

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Inang Teresa

Si Beata Teresa (Agnes Gonxha Bojaxhiu) mas bisto sa arapodan na Inang Teresa o Mother Teresa kan Calcutta (Agosto 26, 1910 - Septyembre 5, 1997) sarong Katolikong madre asin misionero na naggibong-herak haros sa bilog na pagkabuhay niya sa laog kan Indya. Siya namundag sa-ngonyan inaapod nang Macedonia. An saiyang pamilya dugong Albanes na gikan sa Kosovo.[1]

Si Inang Teresa iyo an nagmukna kan Misioneras de la Caridad, kan Oktobre 7, 1950[2] sarong Katoliko romanong kasararoan na kan taon 2012 binibilog nin sobra sa 4,500 na mga madre asin aktibo sa 133 na nasyon. Sinda nagpapadalagan nin mga pailihan asin mga casa para sa mga nadutkan nin HIV/AIDS, may amotol asin tisis; mga kakanan na libre; mga dispensaryo asin klinika; mga programang naghahatol asin naghoholit sa mga aki magurang; mga estaran nin mga ilo, asin mga eskwelahan. An mga kaapil igdi dapat may sumpa sa pagmamabini, kadukhaan asin pagkuyog sa nakakalangkaw. May ikaapat pa sindang sinumpaan, an "bulanos asin maigot na paglingkod na daing bayad sa mga pinakadukha sa mga dukha." [3]

Si Inang Teresa kagresibi nin dakul na onra kaiba na diyan an Nobel Prize taon 1979. Kan taon 2003, siya nanombrahan bilang "Beata Teresa nin Calcutta". Dapat may ikaduwang milagro an mahiling nagresulta sa pag'arang nin tabang saiya bago siya midbiron kan Simbahan Katoliko na sarong tunay nang santa. [4]

Siya sarong pigurang kontrobersyal kan buhay pa siya asin ngane kan siya gadan na, mala ta siya admiradong gayo sa saiyang mga gibong-herak, alagad kanigoan man an nagtutuyaw saiya orog na an saiyang pagkontra sa kontrasepsyon asin abortion na saiyang sinabi na iyo an "pinakapararatak nin katoninongan sa kinaban'" sa saiyang lektura kan nagawadan siyang Nobel Prize taon 1979, asin man sa mga nahihiling na hababang estandarte kan mga pailihan na saiyang ikinaraag.

Pagkanonisar[liwaton | liwaton an gikanan]

Kan Septyembre 4, 2016 si Santo Papa Francisco, huli sa kabanalan na nahiling sa bilog na buhay ni Inang Teresa sa pagsirbe sa mga dukha asin nagtitirios, pinagkanonisar siya asin inapod nang santa.[5]

Mga panluwas na takod[liwaton | liwaton an gikanan]

  • [1] Kalakawan kan buhay ni Inang Teresa. Kinua 06-03-15.
  • [2]Agi-agi ni Inang Teresa. Kinua 06-03-15.
  • [3] Mother Teresa of Calcutta Center. Kinua 06-03-15.

Toltolan[liwaton | liwaton an gikanan]