Inday Espina-Varona
| Inday Espina-Varona | |
|---|---|
| Kamundagan | Manila, Pilipinas |
| Edukasyon | Unibersidad kan Pilipinas Diliman |
| Trabaho |
|
| Mga magurang | Rolando Espina |
Si Ma. Salvacion Espina Varona, na mas midbid sa apod na Inday Espina-Varona, sarong Pilipinang parapahayag. Nagi syang senior contributing editor asin parasurat para sa ABS-CBN Integrated News & Current Affairs.[1]
Karera[baguhon | baguhon an source]
Pinunan ni Espina-Varona an saiyang karera bilang reporter sa Visayan Times, sarong lokal na pahayagan sa Syudad nin Bacolod. Nagin hepe sya nin mausisang pagbabarita sa Manila Times, pinanginutan nya an dakol na mga proyekto na nanggana nin mga premyo kabali an mga serye manungod sa mga Pilipinong kaakian na nagsapo nin tuberculosis asin mga kumpanya nin telekomunikasyon na pinasipara an mga reklamo nin sarong konsumidor. Kan 2007, ginanahan nya an pinakahalangakaw na premyo kan nasyon para sa mausisang pamamahayag.[2]
Nagtrabaho man sya bilang kolumnista para sa Manila Times, asin nagin editor-in-chief kan Philippines Graphic, sarong semanahan na magasin, kun sain nagsurat sya manungod sa mga serye nyang nanggana nin Jaime V. Ongpin Awards for Excellence in Journalism (JVOAEJ). Pinanginutan nya kaidto an Bayan Mo, iPatrol, yunit nin netizen journalism kan ABS-CBN News puon 2010 sagkod 2013. Senior contributor man sya para sa UCANews, sarong internasyunal na Katolikong ahensya sa pagbabarita. Naglingkod man sya bilang nasyunal na direktor para sa Change.org, an pinakadakulang plataporma nin petisyon sa kinaban.[1]
Dati syang Chairwoman kan National Union of the Journalists of the Philippines.[3]
Personal na buhay[baguhon | baguhon an source]
Namundag sya sa Manila. Saro sya sa 11 aki ni Dr. Lourdes Llavore, sarong pedyatrista asin kan dating peryodista na si dipunto Rolando "Rolly" Espina, na nagadan kan Disyembre 28, 2017.[4]
Kan 2016, sinuspinde kan Facebook an saiyang beripikadong account na mayo nin ano man na paliwanag. Sigun sa National Union of Journalists of the Philippines (NUJP), ginibo an pagsususpinde sa account ni Espina-Varona "at the behest of what are clearly enemies of the right to free expression and of a free press." Pigbalik man tulos sa dati an saiyang account.[5][6]
Kontra sya kapwa ki Marcos asin ki Duterte.[5]
Pinangganahan ni Espina-Varona an hilang na kanser.[7]
Pulitikal na mga pagprotesta[baguhon | baguhon an source]
Itinugdas ni Espina-Varona, kaiba si Zerna Bernardo, Jean Enriquez asin Mae Paner, an Babae Ako movement (#BabaeAko) kan Mayo 20, 2018.[8]
Saro sya sa mga convenor kan Movement Against Tyranny na ipigbungsod kan Agosto 28, 2017.[9]
Mga tultulan[baguhon | baguhon an source]
- ↑ 1.0 1.1 "Inday Espina-Varona - Fetisov Journalism Awards". fjawards.com.
- ↑ "Contributors Article | The Interpreter". The Interpreter. Lowy Institute – via lowyinstitute.org.
- ↑ Espina-Varona, Inday (September 9, 2004). "Unsolved killings in the Philippines : As journalists die, the government looks away". The New York Times.
- ↑ "Journalist Rolando Espina dies at 84". Rappler. December 28, 2017.
- ↑ 5.0 5.1 Lozada, Aaron (November 29, 2016). "Anti-Marcos journalist's verified account disabled by Facebook". ABS-CBN.
- ↑ Gonzales, Gelo (November 28, 2016). "Facebook suspends anti-Marcos journalist's account". Rappler.
- ↑ Espina-Varona, Inday (November 11, 2010). "A battle worth fighting for". ABS-CBN.
- ↑ Madarang, Catalina (5 July 2018). "Sara Duterte called the campaign 'doomed' but then came TIME". InterAksyon. Retrieved 30 July 2018.
- ↑ Dizon, Nikko (August 28, 2017). "Movement against drug killings, 'acts of tyranny' launched". Inquirer. Retrieved 2020-06-04.