Instagram

An Instagram iyo an social media na nagtotogot sa paghiras nin mga retrato asin bidyo na pagsasadiri kan Amerikanong kompanya na Meta Platforms. Nagtotogot an app sa mga paragamit na mag-upload nin mga media na pwedeng liwaton gamit an filters, magin organisado gamit an hashtags, asin magin asosyado gamit an lokasyon — via geographical tagging. An mga paskil mapupwedeng ihiras nin nakapubliko o kan mga preapproved na tagasunod. Pwede mag-browse an mga paragamit sa content kan iba pang mga paragamit gamit an tags asin lokasyon, hilingon an mga trending content, i-like an mga retrato, asin sundan an iba pang paragamit tanganing idugang an saindang content sa personal feed.