Integan sa kwarta
| Mga parakawat | duwa o dawa pira |
|---|
An Integan sa kwarta; lintigan sa kwarta o midbid sa halipot na apod na lintig o lintigan, haros parehas man sa kawat na Integan sa dyolin. An kaibahan iyo ta an ginagamit na mga taya' mga takal (coin) na kwarta asin ikinakaag sana an taya sa laog nin kurit na patalidong alagad an bato dyolin man. An kwartang taya in'integ na bumaliktad, hale halimbawa sa pagkakaag na sa ibabaw an pigurang "tawo", pagbaliktad pakatamai kan dyolin, an sa ibabaw na, iyo an "agila". An gaganahon iyo mansana an naiinteg. An bilang kan taya depende sa pigkaoroyonan: kun tigduruwang takal kan tolong makarawat, an gabos na taya sa talidong na kurit mabilang 6 na takal may halagang 6 na pesos kun an monedang pinili piso an denominasyon; kun an dos'on pinili, an tolong magkakarawat mataya sa kurit nin 6 na takal nagkakahalagang 12 pesos. An mano iyo kun siisay an makaparani kan saiyang bato sa pamanuhan na kurit.
An sikreto sa pagpabaliktad, dapat mainteg an takal sa gayad sana. Arinman mapabaliktad, saiya na. Sa totoo lang, an siring na kawat garo sugal mansana alagad popular na maray ini sa mga aki sa mga baryo asin sa mga karo-kanto kan syudad.
