Iraidan

Gikan sa Bikol Sentral na Wikipedia, an talingkas na ensiklopedya
Iraidan keso


An iraidan (inapod man kodkodan, iba lang desinyo) sarong kasangkapan sa kusina na panpidasong pirino kan mga bungang arog kan prutas, gulay o tinapay na may katagasan. An iraidan gibo parati sa sim na piglabot-labotan alagad sa ibang lugar igwa man iraidan gibo sa seramiko o porselana, asin uso naman ngane kaini an gibo sa plastik. Iginuguragod sa ibong kan pigralabotan an prutas.

An bunga halimbawa patatas iginogosgos sa mga uro-uroldot na kagaspangan resulta kan pagkaralabot kaini asin sa irarom kaini may salong plato o anoman kun saen an mga iniraid naghuhurulog.

Pag-aandam sa pagluto[baguhon | baguhon an source]

Iba-ibang klaseng iraidan an igwang iba-ibang sukol kan mga labot depende sa hahandaon na pagluto. Alagad an mga ini inuusar sa pagpino kan keso, kan ubak nin aranghita (sa pagkua kan kiri), pagrunot kan patatas o kan iba pang lutoon na nag'agi na sa pagla'bon.

Historya[baguhon | baguhon an source]

An iraidan keso naimbento ni François Boullier kan mga 1540 sa Pransya sa katuyohan na an mga matatagas nang keso mapakinabangan pa. [1]

Mga ladawan nin iraidan[baguhon | baguhon an source]

Toltolan[baguhon | baguhon an source]

  1. {{cite web|url=http://www.culturecheesemag.com/photo-essay/fall_2011/grate_look%7Ctitle=A[permanent dead link] Grate Look|last=Hill|first=Kathleen Thompson |date=Fall 2011|work=Culture Cheese Magazine. Kinua 28-3-16.