Ise, Mie
Ise 伊勢市 | |||
|---|---|---|---|
 An Naiku sa Dambana nin Ise | |||
| |||
 | |||
 Kinamumugtakan kan Ise sa Prepekturang Mie | |||
  Ise | |||
| Tagboan: 34°29′N 136°43′E / 34.483°N 136.717°ETagboan: 34°29′N 136°43′E / 34.483°N 136.717°E | |||
| Nasyon | Hapon | ||
| Rehiyon | Kansai | ||
| Prepektura | Mie | ||
| Pamamahala | |||
| • Alkalde | Ken'ichi Suzuki | ||
| Hiwas | |||
| • Kabuuhan | 208.52 km2 (80.51 sq mi) | ||
| Populasyon (Setyembre 2012) | |||
| • kabuuhan | 123,129 | ||
| • Densidad | 619/km2 (1,600/sq mi) | ||
| Sona nin oras | UTC+9 (Estandarteng Oras kan Hapon) | ||
| Poon | Oyane-zakura | ||
| Numero nin Telepono | 0596-23-1111 | ||
| Istaran | 1-7-29 Iwabuchi, Ise-shi, Mie-ken 516-0037 | ||
| Websityo | www | ||
An Ise (伊勢市 Ise-shi), pig-aapod kaidto na Ujiyamada (宇治山田), sarong syudad na nakamugtak sa subangang puro kan Rawis nin Kii, sa katahawang Prepekturang Mie (kaidto sa Probinsiya nin Ise), sa isla kan Honshū, Hapon na nakahampang sa Suba' nin Ise. Harong an Ise kan Ise Grand Shrine, an pinakasagradong dambana nin Shintō sa nasyon na Hapon, asin ini an pinakabantog na dudumanon para sa mga paralibot. An syudad sarong panghaluyang titulo- Shinto (神 都) - na haros nangangahulugang "Banal na Syudad", asin literal na nangangahulugang "Kapitolyo kan Kami ".[1] Nasa laog kan mga limitasyong heograpiya kan Nasyunal na Parke nin Ise-Shima an kadaklan sa syudad.
Sagkod Setyembre 2012, pigtatantya an populasyon kan syudad na nasa 129,125 asin nasa population density kan 619 katawo kada km². An total na hiwas kaini nag'abot 208.53 km².
Mga kagtaraid na banwaan
[baguhon | baguhon an source]Paglaladawan
[baguhon | baguhon an source]Direktang nakatakod an uusipon kan Ise sa Ise Grand Shrine. Napasuway an Ise Grand Shrine sa duwang pangenot na parte: An Inner Shrine asin an Outer Shrine. Sa kabila kan mga pangaran, totoo na duwang pisikal na magkasuway na mga dambana an mga ini na haros dai makulang sa anom na kilometro an tanga.
Nagpoon an modernong Ise sa mga sararadit na pag-aayos na nag-uswag sa palibot kan duwang dambana. Sa panahon kan panahon nin Edo, sarong bantog na padudumanan an Ise para sa mga paglalakbay na pig-aapod na "o-Ise-mairi" (literal, "Pag-abot sa Ise") asin sa gayon an mga pamayanan na ini, nagdakula nin nagdakula asin nag-uswag sa sararadit na baryo. Pigpangaranan an baryo sa palibot kan Inner Shrine na 'Uji' dangan pigpangaranan na 'Yamada' an baryo na nasa palibot kan Outer Shrine. Nin huli ta sa importansya nin relihiyon kan Ise Grand Shrine, an Shogunato nin Tokugawa sa panahon kan panahon nin Edo, pighihiling an lugar bilang importanteng pampulitika at nagbugtak nin mahistrato sa Yamada.
Uusipon
[baguhon | baguhon an source]Sa kasagsagan kan panahon nin Meiji, nag-saro an duwang mga baryo na ini asin pigdesignar bilang sarong piglalang na banwaan. An nagresultang pinagsararong pangaran kan 'Ujiyamada' an minakapot sa pinagsaro na mga baryo. Nagtindog an pangarang Ujiyamada sa laog nin 66 taon asin, sa mga tawong nag-eerok sa lugar, magkasingkahulugan pa langgad sa Ise.
Sa tanga kan 1890 asin 1930, ipinagtugdok an mga linya nin tren na bisto ngunyan bilang Linya nin Kintetsu Yamada asin an Linya nin Sangū kan JR. An mga agihang-riles na ini an minatakod sa Ujiyamada paduman sa Osaka, Nagoya, asin sa kabilugan kan Hapon asin responsable para sa sarong dakulang pagtaas sa mga peregrino asin turista na minabisita sa Ise Grand Shrine.
Naghaloy an yugto kan pagriribay kan pangalan nin pirang oras sa palibot kan syudad. Halimbawa, naghaloy nin apat na taon tanganing ribayan an pangaran kan pangenot na Estasyon nin JR sa banwaan na iyo an Estasyon nin Yamada, paduman sa Estasyon nin Iseshi. Nungka man na pigribayan an mga pangaran kan pirang mga bagay sa banwaan arog kan Estasyon nin Ujiyamada na iyo an pinakadakulang estasyon ni tren sa banwaan nin Ise, asin an Eskwelahang Pansekondarya kan Ujiyamada na iyo man an pinakaenot na eskwelahan nin pansekondarya sa banwaan.
Mga signipikanteng mga pangyayari
[baguhon | baguhon an source]- Enero 1, 1889: Nagsaro an baryo nin Uji asin Yamada; naitugdok an Baryo nin Ujiyamada.
- Setyembre 1, 1906: Naging syudad; naging Syudad nin Ujiyamada an baryo nin Ujiyamada.
- Oktubre 12, 1909: Pigkumpleto kan JNR (Kokutetsu) an enot na linya nin tren sa Ujiyamada.
- Disyembre 20, 1930: Nagpuon an direktang serbisyo paduman asin gikan sa Ōsaka sa paagi kan Kintetsu.
- Marso 17, 1931: Nagbuka an Estasyon nin Ujiyamada.
- Hulyo 28, 1945: Sa kasagsagan kan Ikaduwang Gerang Pankinaban, pighulog an mga insendyaryo kan mga parabomba nin 93 Twentieth Air Force B-29, na nagpakarab sa 39% kan syudad.[2]
- Nobyembre 20, 1946: Naitugdas an Nasyunal na Parke nin Ise-Shima.
- Enero 1, 1955: pinangaranan utro an Syudad nin Ujiyamada sa Syudad nin Ise asin pigsupsop an mga baryo kan Toyohama, Kitahama, Shigō asin Kida. An rason sa pagribay kan ngaran kaini iyo an malikayan an pagkaribong sa pagpapangaran sa mga kalaunan na namukna na mga syudad kan Uji sa Prepekturang Kyōto ason sa syudad kan Yamada (ngunyan an syudad kan Kama) sa Prepekturang Fukuoka. Pigpili an pangaran na "Ise" nin huli ta pigbibisto na ini kan Hapon nin huli ta sa Ise Grand Shrine.
- Setyembre 26, 1959: An Bagyong Ise-wan, an pinakamakusog na bagyo sa historiya kan nasyon na Hapon, nagtama sa Ise asin sa mga nakaparalibot na lugar.
- Nobyembre 1, 2005: Nasupsop kan Ise an mga banwaan kan Futami asin Obata, asin an baryo kan Misono (gikan gabos sa Distrito nin Watarai) tanganing magmukna nin bago asin pigpalawig na syudad kan Ise.
Mga bantog na tawo
[baguhon | baguhon an source]- Takao Fujinami (1932–2007), politiko, ministro nin kabinete
- Hiroshi Fujiwara (b. 1964), musikero
- Kon Ichikawa (1915–2008), direktor nin pelikula.
- Tomoya Kanamori (b. 1982). Propesyunal na parakawat nin soccer
- Katué Kitasono (1902–1978), poeta, parakuang-ladawan
- Shinichiro Koyama (b. 1978), propesyunal na parakawat nin baseball
- Hiroki Mizumoto (b. 1985), parakawat nin soccer. Nagkawat para sa koponan kan Japan National Soccer. Iminundag sa Ise (Misono).
- Shun Morishita (b. 1986), propesyunal na patakawat nin soccer
- Yōko Natsuki (b. 1952), aktres
- Daisuke Nakai (b. 1989), propesyunal na parakawat nin baseball
- Mizuki Noguchi (1978– ), paradalagan. Marathon gold medalist sa Athens 2004 Summer Olympics. Nagdakula sa Ise.
- Eiji Sawamura (1917–1944), parakawat nin baseball (pitcher). Miyembro kan Japanese Baseball Hall-of-Fame. Namundag sa Ise.
- Ōoka Tadasuke (1672–1752), samurai. Nagsirbi bilang Hepe kan pulisya sa irarom kan shōgun na si Tokugawa Yoshimune. Nagserbi bilang Mahistrato kan Yamada (modernong-aldaw nin Ise) kan panahon nin Edo.
- Isao Takahata (1935—2018), direktor. Co-head kan Studio Ghibli. Namundag sa Ise.
- Naoki Hatta (b. 1986), propesyunal na parakawat nin soccer
- June Yamagishi (b. 1953), musikero
- Kenta Nishimoto (b. 1994), propesyunal na parakawat nin badminton
Mga toltolan
[baguhon | baguhon an source]- ↑ Sa waka rhetoric Makurakotoba, an katagang Kamikaze an piggamit tanganing ipabisto an Ise.
- ↑ "USAAF Chronology: COMBAT CHRONOLOGY OF THE US ARMY AIR FORCES, JULY 1945". Archived from the original on 2020-11-13. Retrieved 2019-11-16.
Mga panluwas na takod
[baguhon | baguhon an source]
Igwang relatibong medya para sa Ise, Mie duman sa Wikimedia Commons
An Ise travel guide gikan sa Wikivoyage
Heograpikong datus manongod sa Ise, Mie sa OpenStreetMap- Opisyal na websityo kan Syudad nin Ise (Hapones)
- Akafuku Mochi
- [permanent dead link] opisyal na websityo kan Ise Grand Shrine Archived 2002-06-14 at the Wayback Machine. (Ingles)
- Ise city guide gikan sa [permanent dead link] Mie Guidebook at Mie JETs
- "A Day Tripper's Guide to Ise and Toba" by Zack Davisson, Japanzine
- Rakuraku Ise Moude (Official Ise City travel information)
