Isiro
Isiro | |
|---|---|
 | |
 | |
| Tagboan: 2°46′48″N 27°37′12″E Tagboan: 2°46′48″N 27°37′12″E | |
| Nasyon | Demokratikong Republika kan Kongo |
| Elebasyon | 730 m (2,400 ft) |
An Isiro (sinasayod na IPA: [iˈsiro]) iyo an kapitolyo kan probinsya nin Haut-Uele sa norte-subangang parte kan Demokratikong Republika kan Kongo. Nakamugtak ini sa tanga kan ekwadoryal na maurang kadlagan dangan sabana asin kape an pangenot yaman kaini.
Uusipon[baguhon | baguhon an source]
Kadtong pigpangaranan na Paulis an syudad, gikan sa koronel dangan kalaunan diplomatiko na si Albert Paulis kadtong parte pa ini kan Belhikanong Kongo. Sumibol an syudad kan 1934 asin naabot kaini an karukrukan kadtong 1957.[1] Sa magulong mga aldaw nin katalingkasan kan Kongo asin an naging bunga kaini, an oplan Itom na Dragon na nagdara sa labanan sa tanga kan mga parasyutistang Belhikano asin panglugar na milisyang Simba.
Kan 1998, naging istaran an Isiro kan bagong-tugdas na unibersidad na pinadadalagan kan mga Domikano - an Université d'Uélé.
Bago an 2015, parte an Isiro kan probinsiya nin Orientale asin punong banwaan kan dating distrito nin Haut-Uele (probinsiya ngunyan kan Haut-Uele).
Demograpiya[baguhon | baguhon an source]
| Taon | Tawo | ±% |
|---|---|---|
| 2004 | 150,000 | — |
| 2012 | 182,000 | +21.3% |
| 2004: [2] | ||
Pigtatantyang nasa 182,000 katawo an populasyon kan Isiro. Kadaklan sa namamanwa kaini, nagtataram nin Lingala, alagad parati =man an paggamit kan Swahili.
Transportasyon[baguhon | baguhon an source]
Pinaglilingkudan an Isiro kan Palayogan nin Matari, an nasyunal na palayogan na igwang mga lupad paduman sa nasyunal na kapitolyong Kinshasa. Dai naggagana sa ngunyan an liblib na makitid na riles kan linyang Vicicongo paduman sa pantalang salog kan Bumba sa Salog Kongo. Nagtatao an mga di-sementadong dalan paduman asin gikan sa Isiro nin komersiyal na pangangalakal sa Uganda asin Sur na Sudan, alagad pwede ining maagihan kada tag-uran. Tagboan: 02°47′N 27°37′E / 2.783°N 27.617°E
