Isla Runit
 Pagbatyaw kan satelyete kan Isla Runit na ipinapahiling an Runit Dome | |
| Heograpiya | |
|---|---|
| Kinamumugtakan | Pacific Ocean |
| Tagboan | 11°32′42″N 162°21′11″E / 11.5450°N 162.3530°ETagboan: 11°32′42″N 162°21′11″E / 11.5450°N 162.3530°E |
| Arkipelago/Kaiislahan | Enewetak Atoll |
| Kabuuhang mga isla | 40 |
| Administrasyon | |
| Kapitolyo | Majuro |
An Isla Runit (/ˈruːnɪt/) saro sa 40 isla kan inapod na Enewetak Atoll kan Mga Isla Marshall namomogtak sa Dagat Pasipiko. An Isla Runit iyo an nagin sityo kan repositoryo kan mga nuklear na ramog na radyoaktibo na binayaan kan Estados Unidos kan ini nagkondukta nin serye nin eksperimento pagparapaputok nuklear diyan sa Enewetak Atoll sa pag'ultan kan 1946 asin 1958. Igwang naglalakop na kahaditan na an saray na ramog nuklear posible mag'alisngaw asin magwarak ta an pinagsementong Lulubngan kan ramog (na inapod Runit Dome) naggagaratak na daa sa magkapirang lugar kaini.[1]
An Runit Dome nakaag sa kalot na nagresulta kan pagparapaputok nin mga armas nuklear sa irarom kan eksperimento nuklear na inapod "Cactus test" na ginibo kan Mayo 6, 1958. Sa kalot na ini tiniripon an mga ramog nuklear asin kinapaw na mga ati hale sa iba-ibang isla sa Enewetak Atoll asin Bikini Atoll kun saen nagparapaputok nin mga bomba nuklear. Nagtolong taon na gayo, poon 1977 abot 1980, asin damay an apat na ribong mga servicemen kan US sa paglinig igdi asin pagsemento kan kalot.[2][3]
Toltolan
[baguhon | baguhon an source]- ↑ "How the U.S. betrayed the Marshall Islands, kindling the next nuclear disaster". latimes.com. 10 November 2019. Retrieved 12 November 2019.
- ↑ https://thediplomat.com/2021/04/the-us-should-apologize-to-the-marshall-islands-for-nuclear-tests/
- ↑ https://www.atomicheritage.org/location/marshall-islands
