Issey Miyake

Gikan sa Bikol Sentral na Wikipedia, an talingkas na ensiklopedya
Issey Miyake
Si Miyake sa Tokyo, 2016
Kamundagan(1938-04-22)Abril 22, 1938
Hiroshima, Hapon
Kagadanan2022
EdukasyonUnibersidad nin Arte kan Tama
Mga notableng giboL'eau d'Issey
Mga gawadPraemium Imperiale

Si Issey Miyake (三宅 一生, Miyake Issei[pagtaram?], (1938-2022) sarong paradisenyo nin modang Hapones. Midbid siya sa saiyang mga disenyo nin gubing na hinimok kan teknolohiya, eksibisyon asin pahamot, arog kan L'eau d'Issey, na naging pinakamidbid niyang produkto.

Buhay asin karera[baguhon | baguhon an source]

Sarong gown ni Issey Miyake na naka-display sa Florence, Italy, kadtong 2007.
Sarong disenyo gikan sa koleksyon nin 1990 Rhythm Pleats; polyester, pleated, heat-and-pressure-set.
Si Steve Jobs (wala) sulot an saiyang signaturang itom na mock turtle neck ni Issey Miyake[1]

Namundag si Miyake kadtong Abril 22, 1938, sa Hiroshima, Hapon, kung sain nahiling niya an pambobomba nin atomiko kadtong Agosto 1945.[2] Aki pa sana siya, mawot na niyang maging parabayle. Nagpoon an saiyang interes sa moda sa paagi kan pag-aadal kannmga magasin nin moda kan saiyang tugang na babaye. Nag-adal siya nin disenyong grapiko sa Unibersidad nin Arte kan Tama sa Tokyo, nagtapos kadtong 1964. Naglaog siya sa mga disenyo sa kompetisyon sa moda sa Kolehiyo nin Moda kan Bunka sa Tokyo. Arog pa man kaito, dai siya nanggana sa sarong kumpetisyon nin huli ta sa saiyang kakundian nin katoodan sa paggibo kan pattern o pananahi. Pagkatapos kan pagtatapos, nag-enrol siya sa Chambre syndicale de la couture parisienne na sarong paadalan sa Paris asin nag-aprentis ki Guy Laroche bilang paratabang magdesinyo. Nakipagtabangan man siya ki Hubert de Givenchy, nagkurit nin 50 sagkod 100 sketch aro-aldaw.[3]

Kadtong 1969, naglipat siya sa New York, kung sain nabisto niya an mga artista arog ninda Christo asin Robert Rauschenberg. Naka-enrol siya sa mga klase sa Ingles sa Columbia University asin nagtrabaho sa Seventh Avenue para sa para-disenyo na si Geoffrey Beene.[3] Pagbalik sa Tokyo kadtong 1970, ipigtugdas niya an Miyake Design Studio, sarong high-end na producer nin moda kan kababayihan.

Poon sa murang edad, piggagalang ni Miyake an artista na si Isamu Noguchi, na an pagiging bago asin ugma sa saiyang mga disenyo, nagtatao nin inspirasyon ki Miyake. Naging inspirasyon man siya sa paggamit kan mga heometriko na kalkulasyon asin "sarong pidaso nin magagayon na tela" kan paradisenyo nin moda na sk Madeleine Vionnet [4] Sa Paris, nagbisita siya sa pirang museo asin sinambit niya na naimpluwensyahan siya kan mga iskultor arog ninda Brancusi asin Giacommetti.[3]

Pigtawan nin onra kan San Francisco Chronicle na paraliwat nin moda na si Sylviia Rubin si Miyake kaiba si Babette Pinsky sa "pag-imbento giraray" kan tiklop na Fortuny kadtong 1980s.[5]

Mga onra[baguhon | baguhon an source]

Toltolan[baguhon | baguhon an source]

  1. Steve Jobs' black turtleneck reportedly explained in biography (Nathan Olivarez-Giles, Los Angeles Times, October 11, 2011)
  2. https://www.nytimes.com/2009/07/14/opinion/14miyake.html
  3. 3.0 3.1 3.2 Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na :0
  4. "Issey Miyake - MOVES - Documentary". Vimeo (in English). Retrieved 2020-08-16. 
  5. Rubin, Sylvia (27 April 2008). "She has that Babette look - 40 years later". San Francisco Chrinicle. https://www.sfgate.com/bayarea/article/She-has-that-Babette-look-40-years-later-3286542.php. 
  6. Rowe, Peter (11 March 2007). "Intelligent Design-Issey Miyaki". The San Diego Union-Tribune. Archived from the original on 4 March 2016. https://web.archive.org/web/20160304224010/http://www.sandiegouniontribune.com/uniontrib/20070311/news_mz1c11issey.html. Retrieved on 18 November 2021. 
  7. "Issey Miyake Receives Top Award". Vogue. Vogue. Retrieved 3 May 2016. 

Mga panluwas na takod[baguhon | baguhon an source]

Mga exhibition