Jack Kevorkian
Si Jacob "Jack" Kevorkian (/kᵻˈvɔːrkiən/;[1] Mayo 26, 1928 – Hunyo 3, 2011) sarong Amerikanong patologo, aktibistang ampoyon sa euthanasia, pintor,autor, kompositor, asin instrumentalista. Bisto siyang gayo sa pag'ampoyon sa deretso kan sarong pasyenteng magagadanon na na mag'utas kan sadiring buhay. Pighingako niya na nag'abot nang 130ng pasyente an tinabangan niyang maghugot. Siya nalaladawan sa media bilang "Dr. Gadan"; alagad dakul man an omaw saiya asin sinusurog siya ta an akto niya hinihiling nindang sarong gibong-herak para sa tawong mayo nang malalaoman na mabubuhay pa asin halawig sana an pagtios. Sabi ngane niya, "An pagkagadan bakong krimen."[1]
Kan 1999, si Kevorkian inaresto asin pigbista sa direktang partisipasyon niya sa sarong kasong bulontaryong euthanasia. Siya nasentensyahan sa salang second-degree murder asin nagsirbe sa kulongan nin walong taon sa 10-25 taon na sentensya. Pigparole siya kan Hunyo 1, 2007 sa kondisyon na dai siya matangro kan saiyang konsultasyon, dai ma'asiste, o presente sa anoman na akto o klase nin paghugot imbwelto an euthanasia nin sarong tawo; siring man, dai siya mataong anoman na lektura o pagtaram dapit sa prosedimientong tinabangan-na-paghugot.[2][3][4]
Kaamayan kan buhay/Edukasyon
[baguhon | baguhon an source]si Kevorkian namundag sa Pontiac, Michigan kan Mayo 26, 1928 sa mga imigranteng Armeniano. An saiyang ama, si Levon, namundag sa baryo nin Passen, haraning Erzurum, asin an ina niya si Satenig, sa baryo nin Govdun, haraning Sivas. An saiyang ama huminale sa Turkiya kan 1912 asin nagpasiring sa Pontiac kun saen siya nakakuang trabaho sa gibohan awto. Si Satenig nagdulag sa Pagpupuho sa Armenia nin 1915 asin nagpaili duman sa mga sadiring-tawo niya sa Paris, dangan nakuang magpasiring sa saiyang tugang na nataon yaon sa Pontiac nag'eestar. Si Levon asin Satenig nagkasumpongan igdi sa siyudad na ini huli kan saindang Armenianong komunidad. Sinda nag'inagoman, nag'aki sa sarong babae si Margaret kan 1926, nasundan ni Jack, asin ultimo, an ikatolo, an babaeng si Flora.[5] Si Kevorkian naggradwar sa Pontiac Central High School na may onra kan 1945, sa edad na 17. Kan 1952, nagtapos siya sa University of Michigan Medical School sa Ann Arbor.Nagkua siyang residency training sa patologo klinikal asin anatomikal asin nag'adal sa pagpalis nin dugo. .[6]
Nagadan si Kevorkian sa edad na 83 kan siya ilinaog sa sarong hospital sa Detroit huli sa pneumonia, na mayo man minateng kulog sa paghingagdan.
Mga panluwas na takod
[baguhon | baguhon an source]- [1] Bareta dapit ki Dr. Kevorkian. Kinua 25-3-16.
- [2] Archived 2016-03-16 at the Wayback Machine. The Real Jack Kevorkian.Parents Rights Council.org.Kinua 25-3-16
Toltolan
[baguhon | baguhon an source]- ↑ http://www.pbs.org/wgbh/pages/frontline/kevorkian/chronology.html Kinua 25-3-16
- ↑ http://www.cbsnews.com/news/kevorkian-will-not-assist-in-any-suicides/ Kinua 25-3-16
- ↑ http://articles.latimes.com/2011/jun/04/local/la-me-jack-kevorkian-20110604 Kinua 25-3-16
- ↑ http://www.pbs.org/wgbh/pages/frontline/kevorkian/chronology.html kinua 25-3-16
- ↑ http://www.pbs.org/wgbh/pages/frontline/kevorkian/chronology.html Kinua 25-3-16
- ↑ http://www.pbs.org/wgbh/pages/frontline/kevorkian/chronology.html Kinua 25-3-16
