Hainismo

Gikan sa Bikol Sentral na Wikipedia, an talingkas na ensiklopedya
(Nakatukdo hali sa Jainismo)
Simbolo kan Ahimsa sa Hainismo

An Hainismo, Jainismo (Ingles: Jainism) o Jain Dharma (जैन धर्म) iyo saro sa mga gurang na relihiyon sa kinaban na nagpuon pa sa Suanoy na Indya. An kagtogdas kan Hainismo iyo si Vardhamana na bistado bilang Mahāvirā (599-527 B.C.) na sa edad na 30 iyo nagsuway sa saiyang pamilya asin nagin asetiko.

Pagtubod[baguhon | baguhon an source]

Sa laog nin 12 na taon, nagin aktibo si Vardhamana sa paghahanap nin katotoohan asin labi na nakaguno nin kaaraman habang nagninilay-nilay. Itinukdo niya na an gabos na bagay sa kinaban, materyal man o dae, iyo may kalag. An pagkapuro kan kalag an obheto nin eksistensiya, nin uli ta an puro na kalag, minsang mapatalingkas gikan sa hawak, asin iyo mabubuhay nin mayong-hanggang kaluwalhatian asin talingkas. An kapurohan iyo maguguno sa paagi nin kaaraman asin balanseng buhay.

Itinutulod man kan relihiyong Hainismo an labi na asetismo, pag-aayuno, yoga asin iba pang awsteridad para sa obhetong pagninilay-nilay o meditasyon. May limang panata an pigsusunod kan mga Hain:

  1. Ahimsa (kawarang-karautan)
  2. Satya (katotoohan)
  3. Asteya (loyalidad)
  4. Brahmacharya (kabirhenan)
  5. Aparigraha (katiosan)

An panata sa kawarang-karautan (ahimsa) iyo siyang tunay na obsesyon kan mga Hain. Nagmamaskara sinda para takloban an nguso asin dungo tangarig malikayan an dae-tinutuyong paghangos sa saradit na insekto.

Hilingon man[baguhon | baguhon an source]