James Adam (arkitekto)
| James Adam | |
|---|---|
 Pinta ki Adam ni Antonio Zucchi | |
| Kamundagan | 21 Hulyo 1732 Kirkcaldy, Fife, Scotland |
| Kagadanan | 20 Oktobre 1794 (edad 62) Mayfair, London, Inglaterra |
| Sadiring-tao |
|
Si James Adam (21 Hulyo 1732 – 20 Oktobre 1794) sarong Eskoses na arkitekto asin paradesenyo nin mga mwebles, alagad daa parati napipilawan kan saiyang matuang tugang asin kabakas sa negosyo, si Robert Adam. Sinda mga aki kan arkitektong si William Adam.
Buhay asin karera[baguhon | baguhon an source]
Si Adam namundag sa Kirkcaldy, Fife kan 1732 bilang ikatolong aking lalaki ni arkitektong si William Adam.[1]
Kan 1755 si Adam nagtrabaho sa Gunsgreen House sa Berwickshire, banwaan nin Eyemouth.[2]
Kan 1758, si Adam, kaibahan saiyang tugang na si Robert, nagpoon nin negosyo sa London (sinda nag'estar sa Lower Grosvenor Street), na an sinisibotan iyo an pagdesenyong kompleto asin pagsangkap nin kagamitan sa mga harong. An inapod na desenyong Palladian popular kaidto, alagad si Robert nagmukna nin bago, mas nababagay na istilo na may salak elementong klasikong Romanong desenyo na may impluwensya haleng Griyego, Bisantino asin Barokong mga estilo, na logod binunyagan na estilong Adam sa mga popular na mga teksto sa arkitektura.[3] An magtugang na Adam hustong nag'asenso gibo kan saindang paghigos asin paghigowa na idensenyo nin butingtingan maski sa saradit na detalye, na an siring nagtataong pagkaarangay na gayo an saindang mga desenyo.
Siya nagsunod sa lakaw kan saiyang tugang na si Robert na siya man nagbungsod nin inapod na Dakulang Pagbyahe o Grand Tour, naghale kan Mayo 1760 asin nagbalik sa London kan Oktobre 1763.
Si Adam nagsalida ki Robert bilang Arkitekto kan King's Works kan 1768 bago lang magpoon trabaho sa proyekto kan saiyang tugang sa Adelphi (1768–1772) na haros mabangkarote an kompanyang nag'empleo sainda na kaibahan mga lataw na mga arkitekto arog man ki Joseph Bonomi (1739–1808) na, poon 1768, yaon nagdukot sa magtugang na Adam sagkod 1781).
Poon 1771 sundo' 1775, siya nakontrata kaiba saiyang tugang sa pagdesenyo asin pagtugdok kan Wedderburn Castle na harani sa Duns, Berwickshire.
Si Adam nagbutwa sana sa anino kan saiyang tugang na si Robert kan an huri magadan kan 1792, na sa saiya naman na pag'unoy nakadesenyo nin magkapirang mga mauunabihan na mga edipisyo sa Glasgow, kabali an lumang Infirmary (1792; ginaba' 1907), Assembly Rooms (1794; ginaba kan 1890) asin an Tron Kirk (1794). Siya nagdesenyo man kan Portland Place sa sentral London. Kan 1793, parte siya kan grupo nin mga arkitekto na si John Soane naulayan na magtaong mga plano para sa House of Lords.[4] Alagad siya inabot nin kagadanan sa saiyang harong sa Albemarle Street sa London kan 1794.
Toltolan[baguhon | baguhon an source]
- ↑ "The works in architecture of Robert and James Adam". The British Library. Archived from the original on 7 November 2022. Retrieved 23 March 2020.
- ↑ "Gunsgreen House". BBC – Scotland – Coast. April 2006. Retrieved 29 October 2012.
- ↑ "The Adam Style". college.holycross.edu. Retrieved 2022-01-31.
- ↑ Cooke, Sir Robert (1987). The Palace of Westminster. London: Burton Skira. p. 52. ISBN 978-0333459232.
