Jamie Margolin

Jamie Margolin
Pagkurit ki Jamie Margolin - tinta sa papel
Kamundagan	(2001-12-10) Desyembre 10, 2001
Trabaho	aktibista para sa hustisya sa klima
Midbid bilang	Pag-organisa sa Youth Climate Action March

Si Bill Keating kaiba si Thunberg, Margolin asin Barret

Si Jamie Margolin (namundag kan Disyembre 10, 2001) sarong Amerikanong aktibista sa hustisya asin nagserbing direktor ko-ehekutibo kan Zero Hour. Si Margolin binibisto na sarong lesbian asin hayag na nagtataram kan saiyang mga agi-agi bilang sarong parte kan LGBT. Nagsurat sya para sa manlainlain na media outlets, arog kan CN asin Huffington Post.

Si Margolin namidbid bilang Judio asin Latinx.

Pinaghalian

Kan 2017, sa edad na 15, si Margolin pigpundar an organisasyon kan hobenes para sa paghiro sa klima, an Zero Hour kaiba si Nadia Nazar, Zanagee Artis, asin iba pang mga hubin na aktibista. Nagserbe sya bilang ko-ehekutibong direktor kan organisasyon. Kapwa-kagtugdas si Margolin kan Zero Hour bilang simbag kan mahiling nya an Buhawing Maria sa Puerto Rico

asin sa saiyang personal na eksperyensya sa 2017 Washington wildfires. Nabantog man sya bilang plaintiff sa kasong Aji P. v. Washington, kun sain pigkasuhan nya an estado kan Washington huli sa dai kaini paghiro sa pagbabago kan klima basado sa dapat pagkakaigwa nin marhay na klima susog sa karapatan pantawo. An saiyang pagsurat manungod sa pagbabago kan klima nagluwas sa pirang mga publikasyon arog kan HuffPost, Teen Ink asin CNN. Parte man sya kan Teen Vogue’s 21 Under 21 class of 2018. Kan 2018, pignomrahan man sya bilang saro sa People Magazine's 25 Women Changing the World. Si Margolin myembro kan Junior State of America.

Kan Setyembre 2019, si Margolin parte nin sarong grupo nin mga hoben na nagswestyon ki Gobernador Jay Inslee asin sa Estado nin Washington manungod sa sobra sa pagbuga nin mga greenhouse-gas sa estado. Kasunod kan leyes na ini, sya hinagadan na magpatotoo laban sainda bilang parte kan sarong panel na inapod "Voices Leading the Next Generation on the Global Climate Crisis" kun sain an mga tinedyer na imbwelto sa pagbabago sa klima pwedeng maglatag kan saindang kaso. An mga hobenes sa demandang ini interesado sa kawaran kan aksyon kan Gobyernong Washington manungod sa pagbabago sa klima, na nagpapahiling na tinatangakasan ninda an mas hoben na kapag - arakian nin konstitusyonal na deretsos sa sarong marhay kamugtakan na mayo an mga isyung ini sa palibot na inaatubang ninda.

Si Margolin kapwa-kagtugdas kan Zero Hour Organization kan 2016 sa edad na 14. An grupong ini nin mga aktibistang hoben nakasentro sa kawaran nin aksyon na ginigibo kan mga opisyal sa bilog na kinaban dapit sa pagbabago sa klima. Sinabi ni Margolin, "May nangyayaring krisis, alagad mayong ginigibong aksyon. An organisasyon na ini sarong non-profit na internasyonal na organisasyon na an katuyuhan iyo na maedukar an mga tawo manungod sa krisis sa klima asin makakua nin mas dakol na tawo na maimbwelto sa aktibismo. An inot nindang katuyohan iyo na gumibo nin sarong nasyonal na pankagabsan na aldaw nin paghiro tanganing orog pang maimbwelto an mga hoben sa pakikilaban para sa salud kan planeta. Sa paagi kan paggamit kan #thisisZeroHour, an nagdusay na hoben sa organisasyon na ini naglalaom na maipadara an mensahe na mayo nang panahon na masayang, asin dapat gibuhon tulos an paghiro tanganing malabanan an pagbabago sa klima.." Sa saindang pahayag sa misyon ipinaliwanag ninda "Kami nagtutubod na an lambang indibidwal, hali sa lambang komunidad maninigong makakua nin malinig na duros, tubig, asin pampublikong kadagaan. Nagtutubod kami sa pagbugtak kan mga pangangaipo asin salud kan samong mga komunidad bago an pagkakaigwa kan mga dakulang korporasyon," kairiba an iba pang mga obheto na saindang piglalaoman na mapadamay an ibang tawo sa bilog na kinaban sa paglaban para sa katuyohan na ini. Pinagmamaigotan nindang isentro "sa pagtukdo sa mga tawo kun ano an krisis sa klima asin kun pano magin aktibista na makatabang sa isyu."