Janet Sassoon
| Janet Sassoon | |
|---|---|
| Kamundagan | 2 Septyembre 1936 Surabaya, Indonesia. |
| Nasyunalidad | Amerikana |
| Trabaho | Parabayle asin Paratukdo nin Baley |
| Iba pang mga grupo | San Francisco Ballet; Berlin State Ballet; Grand Ballet du Marquis de Cuevas |
Si Janet Sasoon (namundag 1936) sarong Amerikanang dating prima balerina asin maestra sa ballet.
Buhay
[baguhon | baguhon an source]Si Sassoon namundag kan 2 Septyembre 1936 sa Surabaya sa isla nin Java sa dating Dutch East Indies asin ngonyan Indonesya na. An saiyang mga magurang iyo sinda Edward Sasoon asin Flora Bar na Briton asin Pranses, na may ginikanan na Separdhic Jewish. Siya an pinakangohod sa tolong magturugang.
Kan 1937, an pamilya niya nagbalyo sa US, asin nag-istar sa San Francisco. An inot niyang pagkaaram sa baley iyo kan siya singko anyos, kan darahon siya kan saiyang ina sa War Memorial Opera House sa San Francisco tanganing hilingon an Romeo asin Juliet ni Sergei Prokofiev .
An saiyang inot na pagluwas sa entablado iyo man an nasa parehong teatro kan 1944 bilang aki na ekstra sa pera na Falstaff ni Giuseppe Verdi.
Nagpuon siya mag-adal nin baley, kaiba asin iba pa, sina Lew asin Willam Christensen asin Gisella Caccialanza, dawa dai inuuyunan kan saiyang ama.
Sedad na 16, nag-istar siya sa Paris, kun sain sinanay siya kan mga paratukdo arog ni Leo Staats, Lubov Yegorova, Olga Preobrajenska asin Mathilde Kschessinska.
Karera sa Pagbayle
[baguhon | baguhon an source]Si Sassoon nagpoon na magbayle sa publiko sa Grand Ballet du Marquis de Cuevas sa Paris kan 1952, asin nagpirmi duman sagkod 1955.
Pagkatapos kaini, nagbayle siya sa dakul na mga siyudad sa US, kaiba sinda Rudolf Nureyev, asin nagbalik sa San Francisco tanganing magbayle sa San Francisco Ballet.
Kan 1956, siya an prima balerina kaiba kan Berlin State Ballet asin padagos na nagbayle sa halangkaw na grado sagkod na, sa edad na 33, naaksidente siya mantang nagbabayle na naging kawsa kan sayang pagretiro. [1][2][3]
Karera sa Pagtukdo
[baguhon | baguhon an source]An ama ni Sassoon nagpatindog kan Akademiya sa Baley sa 2121 Market St. sa San Francisco kan 1953 tanganing mag - alok nin training para sa mga aki, nasa edad na, estudyante na nagpaplano para sa propesyonal na karera asin iba pa.
Inot na inapod bilang Pacific Ballet Company, an mga inot na direktor iyo sinda Guillermo Del Oro asin Carolyn Parks. Kan 1958, si Alan Howard, sarong prinsipal na parabayle kan Ballet Russe de Monte-Carlo, an naging direktor.
Kan magretiro si Sassoon sa pagbayle, nagbalik siya sa San Francisco asin naging direktor kan akademya sagkod 1989, suarin ini ipinabakal. Dangan naglingkod siya bilang katuwang na direktor sagkod 1997.
Kabilang sa mga estudyante niya si Natalia Makarova, asin ni Kyra Nichols.[4]
Si Sassoon dai sana nagtrabaho sa San Francisco: siya man nagkondukta nin mga master classes para sa Cincinnati Ballet asin sa Boston Ballet.
Siya nagpapel nin sarong maestra sa baley sa 1984 na pelikulang Impulse. [1][2][3][5]
Publikasyon
[baguhon | baguhon an source]Ipinublikar ni Sassoon an sarong autobiograpiya kan 2013, na inapod na Reverence.[6]
Personal na buhay
[baguhon | baguhon an source]Si Sassoon naagom si John Roland Upton, sarong paragibo nin arak, kan Agosto 1983. [3]
Mga Toltolan
[baguhon | baguhon an source]- ↑ 1.0 1.1 "Janet Sassoon". Who's Who of Professional Women. Retrieved 5 January 2024.
- ↑ 2.0 2.1 "Ballet — The Art of Sassoon". Ability Magazine. Retrieved 5 January 2024.
- ↑ 3.0 3.1 3.2 Hunt, Mary Ellen. "Janet Sassoon's moving account - a life devoted to dance". SFGATE. Retrieved 5 January 2024.
- ↑ "Natalia Makarova". Maimovie. Retrieved 5 January 2024.
- ↑ "Academy of Ballet" (PDF). Office of Small Business - San Francisco. Retrieved 5 January 2024.
- ↑ Sassoon, Janet (2013). Reverence. XLibris. ISBN 978-1493112159.
