Jiang Zemin
Si Jiang Zemin (namundag Agosto 17, 1926) sarong retiradong Tsinong pulitiko na nagserbi bilang Sekretaryo Heneral kan Partido Komunista kan Tsina poon 1989 abot 2002, komo Presidente kan Republikang Popular nin Tsina poon 1993 sundo 2003, asin bilang Pamayo kan Komisyon Sentral Militar poon 1989 abot 2005. An saiyang halawig na karera asin labis na pagkaprominente sa pulitika nagpapusog sa bansag saiya na iyo an pinaka'ubod kan ikatolong henerasyon nin mga lider sa Partido Komunista.
Si Jiang nagsakat sa poder pakapangyari kan mga protesta sa Tiananmen Square kan 1989, na nagsalida siya ki Zhao Ziyang bilang Sekretaryo Heneral kan Partido Komunista nin Tsina. Sa pagsolnop ni Deng Xiaoping asin kan mga myembro kan inapod na "Walong mga Gugurang" huli naman sa kagurangan, asin katuwang an mga maedad pero poderosong mga lider sa partido asin sa estado arog ki Li Xiannian asin si Chen Yun, si Jiang iyo na an totoong nagin "Kataastasing Lider" kan mga taon 1990. Sa saiyang pamamayo, an Tsina nakaeksperensya nin amot na paggantad asin pag'uswag, nakita an matoninong na paglito kan Hong Kong asin kan Macau hale sa Portugal, asin napakarhay an relasyon kaini sa luwas na kinaban manta higot an kontrol kan Partido Komunista sa gobyerno. Sinasabing si Jiang sobra an pagha'dit kun ano an imahe niya sa laog kan Tsina orawang labi man an pagpahonod sa Rusya asin Estados Unidos.[1]
Basaha man[baguhon | baguhon an source]
- History of the People's Republic of China (1989–2002)
- Politics of the People's Republic of China
- Song Zuying, bantogan na folk singer asin piday
- The Man Who Changed China: The Life and Legacy of Jiang Zemin, ki Jiang na makontrobersyang biograpiya sinurat ni Robert Lawrence Kuhn
Toltolan[baguhon | baguhon an source]
- ↑ Tomoyuki Kojima. China's Omnidirectional Diplomacy: Cooperation with all, Emphasis on Major Powers. Asia-Pacific Review, 1469–2937, Volume 8, Issue 2, 2001
