João Antunes

Gikan sa Bikol Sentral na Wikipedia, an talingkas na ensiklopedya
João Antunes
Kamundagan1642
Braga, Portugal
Kagadanan1712
Lisbon, Portugal
TrabahoArkitekto, mason

Si João Antunes (1642–1712) sarong Portuges na arkitekto asin mason, asin konsideradong saro sa importanteng arkitekto sa Arkitektura Baroko. Si Antunes nagserbi bilang arkitekto real durante kan pagtukaw ni Hadeng Pedro II nin Portugal asin responsable sa magkapirang mga bantogan na landmark sa Lisbon, siring kan Pantyong Nasyonal sa Santa Engrácia, asin an lulubngan ni Santa Joana, Prinsesa nin Portugal.[1]

Biograpiya[baguhon | baguhon an source]

Si João Antunes namundag sa Braga, sa probinsya nin Minho, asin pwedeng nakaresibi nin toltol na edukasyon manta saiyang isinusulit an Palasyo Ribeira durante kan Dinastiya Philippine. Si Antunes natokahan komo arkitekto real (arquitecto Real) kan 1699. An saiyang mayor na trabaho Simbahan nin Santa Engrácia (nagpoon 1682) sa Lisbon, sarong Griyegong krus na edipisyo na may surungan na malipayad na tipikal sa Barokong arkitektura sa Borromini. Si Antunes iyo man an kaggibo kan mga proyekto sa Simbahan ni Santa Elói (natugtdok pakaagi na kan 1694, narugba' kan 1755 Linog sa Lisbon) asin kan Simbahan ni Menino Deus (1711–1737), yaon pareho sa Lisbon. An mga simbahan na ini may pormang rektanggulo na may de-kantong mga sugod, kaya pormado siyang iregular na oktagon. An eskima nin plano kan salog posible ginuno sa desenyo ni Guarino Guarini, na iyo an nagimpluwensyang gayo sa ibang mga simbahan sa Portugal asin sa kolonyal na Brazil. Gabos na ining simbahan may dekorasyon na mga marmol na panel, may Italyanong impluwensya, na ini iyo an nagdadangadang na dominanteng papel nin Romanong arte sa korteng Portuges durante kan ika-18ng siglo.[1]

Si Antunes responsable man sa paghaman kan Simbahan ni Bom Jesus sa Barcelos, na napu'nan kan 1704. An maarteng plano kan salog kan simbahan na ini iyo an sarong Griyegong krus na simbahan (impluwensya nin Santa Engracia) ikinulong sa heksagon na may apat na sugod na matabilog an porma. Saro pang trabaho ni Antunes sa Amihanan Portugal iyo an paghihirahay kan sakristiya nin Katedral Braga.

Si João Antunes nagdesenyo man nin magkapirang mga Barokong retablo para sa mga pribadong kapilya kan mga aristokrata asin mga simbahan arog kan Simbahan nin Santo Antão sa Lisbon asin an Kapilya ni San Vicente sa Katedral Lisbon (an huri narunot sa linog kan 1755).

Saro pang maunibahan na trabaho iyo an dakulaon na pantyon na tinugdok para ki Prinsesa Joana sa kumbento ni Jesus sa Aveiro. An lulubngan konsistido nin dakulang baul sa tahaw na may mga angelito nagtutuang kan gabat. Gabos ining trabaho gibo sa marmol na pinag-polychrome sa Italyanong impluwensya.[1]

Galeriya[baguhon | baguhon an source]

Toltolan[baguhon | baguhon an source]

  1. 1.0 1.1 1.2 Ferrão, Leonor (2003). "Antunes, João". Grove Art Online. Oxford University Press.