João Cristino da Silva
Si João Cristino da Silva (14 Hulyo 1829, Lisbon - 12 Mayo 1877, Lisbon) sarong Portuges na pintor asin ilustrador sa istilong Romantiko.
Biograpiya
[baguhon | baguhon an source]Siya namundag sa sarong pamilyang mga komersyante. Nagpoon siyang mag'adal sa Academy of Fine Arts University of Lisbon kan 1841, alagad sinasabing siya sobrang maiiniton an payo, na nakikiasusangan sa saiyang maestro, António Manuel da Fonseca, asin kan metodo nin pagtukdo sa eskwelahan, kaya siya naghale kan 1847 na dai natapos an saiyang kurso.[1] Poon 1847 abot 1849 siya nagtrabaho bilang paraukit sa "Arsenal do Exército" (Army Arsenal). Siya nagbalik sa pagpinta.
Nagpaeksibit siya sa Paris, Madrid asin sa Portugal. Siya bantog na maray bilang pintor nin mga ta'nawon asin nakakatuwang ni Tomás da Anunciação sa mga proyekto, na ini saiyang minimirar na tunay niyang maestro. Sa Exposition Universelle (1855), saiyang pinaeksibit an masasabing pinakamarayrahay niyang obra, an "Cinco Artistas em Sintra" (Limang Artista sa Sintra), na ngapit binakal ni Hadeng Ferdinand II.[1] Pakapaeksibit niya sa Madrid, siya inonra ni Hadeng Amadeo I bilang sarong caballero.
Kan 1860, nagin siyang karibay na Propesor sa Academya, alagad naghale sa pwesto kan 1867 huli kan mga dai niya pag'uuyon sa palakaw kan administrasyon. Kam taon na iyan siya nakaresibi nin suporta sa pagbyahe; binisita niya an Pransya asin Switzerland. Siya nakipagtabangan man sa pagpaluwas nin mga ilustrasyon sa magasin na semanal Arquivo Pitoresco, na napublikar poon 1857 sundo 1868.
Siya nagkahelang sa isip asin nagadan atake sa puso sa sarong ospital mental Convento de Rilhafoles.[1]
Toltolan
[baguhon | baguhon an source]- ↑ 1.0 1.1 1.2 Biographical notes and more paintings @ Com Jeito e Arte.
Mga dagdag na basahon
[baguhon | baguhon an source]- Maria de Aires Silveira, João Cristino da Silva (1829-1877) (exhibition catalog) Museu do Chiado 2000
- Diogo de Macedo, João Cristino da Silva e Manuel Maria Bordalo Pinheiro (Vol.5 of "Cadernos de Arte") Edições Excelsior 1952
Mga panluwas na takod
[baguhon | baguhon an source] |
An Wikimedia Commons igwa nin medya dapit sa João Cristino da Silva. |
- João Cristino da Silva e o tema da paisagem na literatura portuguesa de meados do século XIX (Silva and the landscape theme in mid-nineteenth century Portuguese literature) by Helena Carvalhão Buescu at the University of Lisbon [1]
- An album of sketches by Silva @ Flickr