Joaquin Maria Herrer y Rodriguez

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Pintura ni Herrer (Museo del Prado)
Pintura ni Herrer (Museo del Prado)

Si Joaquin Maria Herrer y Rodriguez (Madrid, 1838 - Manila, 1917[1]) sarong Espanyol na pintor asin maestro.[2]

Mga enot na taon[liwaton | liwaton an gikanan]

Namundag sa Madrid, Espanya, siya nag'adal pagpintura sa pagmamato ni Charles Cleyre sa Imperial Academy sa Paris, Pransya asin tinapos niya pag'adal sa Roma. Mga bantogan na pintor nagtukdo saiya iyo sinda Carlos Mugica asin Federico de Madrazo.[3]

Karera[liwaton | liwaton an gikanan]

Mga 1893 o 1895, siya nagpasiring Manila, Filipinas sa pagtukdo sa Escuela Superior de Pintura Grabado na nagsara mansana ngane kan 1898 sa paglito kan kolonya sa Estados Unidos. Kan an School of Fine Arts kan Unibersidad nin Pilipinas natogdas kan 1909, si Herrer nagin saro sa propesor. Saro sa nagin estudyante niya iyo si Fernando Amorsolo. Siya nagdarang eksibit na mga pintura sa mga eksposisyon nasyonal kan 1895, kan 1908 asin kan 1915. Napadara niya pa an iba niyang mga obrang pintura sa Exposicion Universal sa Panama. Siya man nagbiyahe sa Hapon asin magkapira kan saiyang obra yaon sa pagsasaray ni Enrique Zobel. Iba pa niyang mga trabaho natiti'mos sa pangataman ni Felipe HIdalgo (El Vionilista), ki [[Juan Tuason (miniature kan saiyang ina), ki Juan M. Arellano (interior nin anabbey) asin magkapira man yaon sa pagsaray ni Alfon Ongpin, na saro na diyan iyo an Casa Vereniega. [4] [5]

Pagkagadan[liwaton | liwaton an gikanan]

Kan siya magtalikod sa buhay, siya ilinubong sa La Loma Cemetery, Caloocan. Sarong rebulto niya na inukit ni Vicente Francisco, an isinapaw sa ibabaw kan saiyang nitso.[6]



Toltolan[liwaton | liwaton an gikanan]

  1. {https://www.filipinaslibrary.org.ph/biblio/841/]www.filipinaslibrary.org.ph. Kinua 2019-05-25
  2. [1]www.townandcountry.ph. Kinua 2019-05-25
  3. [2]www.townandcountry.ph. Kinua 2019-05-25
  4. {https://www.filipinaslibrary.org.ph/biblio/841/]www.filipinaslibrary.org.ph. Kinua 2019-05-25
  5. Sinapi sa peryodikal na "Pro Cervantes", Agosto 1938
  6. {https://www.filipinaslibrary.org.ph/biblio/841/]www.filipinaslibrary.org.ph. Kinua 2019-05-25