John Muir
| John Muir | |
|---|---|
 John Muir, c. 1902 | |
| Kamundagan | Abril 21, 1838 Dunbar, East Lothian, Scotland |
| Kagadanan | Desyembre 24, 1914 (edad 76) Los Angeles, California |
Dahilan kan kagadanan | Pneumonia |
| Trabaho | Inhenyero, naturalista, pilosopo, parasurat, botaniko, heyologo, ekolohista |
| Midbid bilang | Kagmukna kan Sierra Club |
| Agom | Louisa Wanda Strentzel (1847–1905) |
| Mga aki | Wanda Muir Hanna (Marso 25, 1881 – Hulyo 29, 1942) asin Helen Muir Funk ( Enero 23, 1886 – Hunyo 7, 1964) |
| Mga magurang | Daniel Muir asin Ann Gilrye |
| Lagda |  |
Si John Muir (/mjʊər/; Abril 21, 1838 – Disyembre 24, 1914) na bisto sa bansag na "John kan mga Bukid" asin "Ama kan mga Parke Nasyonal" sarong maimpluwensyang Scot-Amerikano na naturalista, awtor, pilosopo sa kapalibutan, glaciologist asin nanginot na tagatulod sa pagmato kan mga kakadlaganan sa Estados Unidos. Saiyang mga surat, mga saysay asin mga libro na naglaladawan na gayo kan kapalibutan, binasa nin milyon katawo. An saiyang pagka-aktibista nakatabang nanggad sa pagsaray kan Yosemite Valley, Sequoia National Park asin dakul pang mga kakadlaganan. An Sierra Club, na saiyang katuwang-minukna sarong prominenteng organisasyon sa pagmamato. An 211-milyang (340 m) John Muir Trail sa Sierra Nevada, ipinagngaran sa pag'onra saiya. Iba pang ipigpangaran sa saiya sa dakulang pag-onra kan mga paghingoa niya iyo an mga minasunod na lugar: Muir Woods National Monument, Muir Beach, John Muir College, Mount Muir, Camp Muir, Muir Grove, asin Muir Glacier. Sa Scotland, an John Muir Way, sarong 130-milyang baklayan, siring man ipinangaran sa saiya sa pagtaong onra.[1]
An pagpadangat niya asin hararom na pagmakulog sa kakadlaganan nagpukaw asin nagpalaad sa mga Amerikano kan pagkamoot sa siring asin nagtolod sainda na sarayon asin atamanon nanggad an mga kakadlaganan mala ta siya nasambit kan biograpo niyang si Donald Worster na an misyon ni Muir iyo an maligtas an kalag kan Amerikano na mahamil kan pwersa nin materyalismo paagi nin pagpararom sa pagkamoot sa kapalibotan. Si Muir nagin inspirasyon kapwa kan mga Scot asin kan mga Amerikano. Siya kumbaga an nagin patron kan ika-20ng siglong mga Amerikano naghihingoa sa pagmato kan kapalibutan. Siya an nagin giya, pilosopo na nagtotokdo kan tamang atitud asin maninigong pagtrato sa natural na kinaban. Si Muir daa ipigpahiling niya na an tawo kasaro kan kinaban.[2]
