Jose Calida

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Jose Calida
Jose Calida - 2017 (cropped).jpg
Si Calida kan Mayo, 2017
Solicitor General of the Philippines
Inkumbent
Pagtukaw sa pwesto
Hunyo 30, 2016
President Rodrigo Duterte
Suminunod ki Florin Hilbay
Executive Director of the Dangerous Drugs Board
Termino
January 21, 2004 – Oktobre 31, 2004
President Gloria Macapagal Arroyo
Suminunod ki Efren Q. Fernandez
Sinundan ni Edgar C. Galvante
Undersecretary of the Department of Justice
Termino
Marso 12, 2001 – Enero 20, 2004
President Gloria Macapagal Arroyo
Personal na mga detalye
Kamundagan Jose Callangan Calida
(1950-07-07) Hulyo 7, 1950 (edad 70)
Nuevo Iloco, Davao, Philippines
Nasyunalidad Filipino
Partido politikal Citizens' Battle Against Corruption
Agom Milagros Parantar Ordaneza
Alma mater Ateneo de Davao University
Ateneo de Manila University
Kasibotan Pulitiko, ehekutibo sa negosyo
Trabaho Abogado

Si Jose "Joe" Callangan Calida (namundag Hulyo 7, 1950) sarong Filipinong abogado asin iyo an presenteng Solicitor General kan Filipinas ta siya an nagsalida ki Florin Hilbay. Kan enot pa kaiyan siya nagkapot man katongdan komo Undersecretary sa Department of Justice asin direktor namahala kan Dangeorus Drugs Board.[1]

Buhay asin Adal[liwaton | liwaton an gikanan]

Si Calida namundag sa Nuevo Iloco, Davao na iyo na ngonyan an munisipyo kan Mawab, Compostela Valley. An napangagom niya iyo si Milagros Parantar Ordaneza na taga-Davao man asin sinda igwang tolong aki.

Si Calida tapos sa Batsiler en Artes sa kursong Ingles sa Ateneo de Davao University kan 1969. Dangan siya nagkuang abogasya sa Ateneo de Manila University Law School asin pirmi siyang yaon sa dean's list. Nagtapos siya kan 1973 asin sa 1974 Philippine Bar Examination na saiyang kinua, nasikwit niya an average na gradong 83.25%: 100% sa Criminal Law, 90% sa Civil Law, asin 90% sa Taxation. Si Calida kaayon sa Aquila Legis Fraternity.

Karera[liwaton | liwaton an gikanan]

Si Calida nagpapraktis na abogado asin kagmuknang partner kan Calida J. Calida & Associates law firm nakabase sa Davao del Sur. Siya nagtukaw bilang sekretaryo heneral sa Volunteers Against Crime and Corruption durante kan administrasyon ni Fidel Ramos asin tagatipon kan God’s People’s Coalition for Righteousness na nagkonduktang mga protesta asin prayer rally laban sa makuring pagparalakop kan pornograpiya asin mga usmak na pelikula kan mga 1990. Kan 1997, siya namoon kan grupong apod Support the Initiatives for the Good of the Nation o SIGN na nagtolod kan Charter Change paagi nin people's initiative. Nagtabang man siya sa Pirma movement sa pagdamot nin mga pirma para sa re-eleksyon ni Presidente Ramos sa paagi nin plebesito. Siya kagmukna-katuwang kan party list na grupong inapod Citizens' Battle Against Corruption asin siya pa an nagsirbeng pamayo kaini kan 1997.

Si Calida kaapil sa prosecution team durante kan bista para sa impeachment ni Presidente Joseph Estrada kan 2000. Paka Ikaduwang Rebolusyon EDSA, siya nanombrahan kan bagong-tukaw na si Presidente Gloria Arroyo Undersecretary of the Department of Justice (DOJ) sa lindong ni Secretary Hernando B. Perez kan 2001, Merceditas Gutierrez kan 2002, asin Simeon Datumanong kan 2003. Bilang Justice Undersecretary, siya an may sakop direkta kan National Bureau of Investigation, kan Office of the Government Corporate Counsel, kan DOJ Task Force on Corruption and Internal Security, asin kan DOJ Task Force on Financial Fraud and Money Laundering. Kan 2004, siya na an nagkapot bilang pamayo kan Dangerous Drugs Board.

Si Calida kan Oktobre 2004 nagbalik sa pribadong praktis asin sa pagkaag negosyo kan huminale na siya sa serbisyo sa gobyerno. Kan Oktobre 2004. an negosyong kinaag iyo an Vigilant Investigative and Security Agency kun saen siya an Pamayo asin nakasikwit siya kan kontrata sa pagmato kan seguridad sa Philippine Amusement and Gaming Corporation kan 2010. Siya nagsirbe senior vice president kan insurance company na Prudential Guarantee and Assurance Inc. Si Calida pigendorsar ni Bise Alkalde Rodrigo Duterte kan Siyudad nin Davao sa pwesto nin Ombudsman kan 2011. Bago siya nagbalik sa serbisyo publiko, siya man palan an saro sa campaign managers sa 2016 kampanya presidensyal ni Duterte.[2]

Calida pigpipirit an National Telecommunications inulo an operasyon kan ABS-CBN[liwaton | liwaton an gikanan]

Kan Abril 30, 2020, si Calida sinuratan an National Telecommunications na pighurot na gayo an ahensyang ini na orderan an ABS-CBN na magpondo na nin operasyon pagpaso kan prangkisa kaini sa Mayo 4, 2020 na siring ngani an ginibo kan NTC, kaya dakul nagsasabi na pigimpluensya ni Calida an ahensyang ini asin huli kaini dakul na netizen nagtuyaw saiya. An 14-pahinang surat pirmado ni Calida asin kan 6 niyang assistant na solicitor general.[3]

Toltolan[liwaton | liwaton an gikanan]

  1. [1]www.rappler.com. Kinua 15-03-18
  2. [2]www.inquirer.net. Kinua 15-03-18
  3. [3]news.abs-cbn.com/news/ Kinua 05-20-20