Jose Maria Peñaranda

Si Jose Maria Peñaranda saro sa Espanyol na nagtukaw bilang gobernador kan probinsya nin Albay, Filipinas asin siyam na taon nagtukaw sa katongdan na ini poon 1834 sundo 1843. Siya sarong inhinyero militar asin sinasabi na sa mga naginibohan niya, "pinakusog niya an mga kota asin mga panagang na konstruksyon sa mga pampang dagat panlaban sa mga pagsasakyada kan mga pirata, nagpatogdok nin mga tinampo asin mga tulay, nagtabang sa paghaman kan kapitolyo nin Albay, asin kan Katedral ni San Gregorio Magno dangan orog na pinakusog an sektor kan agrikultura asin industriya."

Sa pag'onra saiya, an probinsya nin Albay ipinangaran saiya an parke na yaon sa atubangan kan kapitolyo asin sarong monumento niya an pinatindog kan gobyerno nin probinsya sa mismong parke.