Josep Domènech i Estapà

Gikan sa Bikol Sentral na Wikipedia, an talingkas na ensiklopedya
Josep Domènech i Estapà

Si Josep Domènech i Estapà (Pagsayod sa Catalan: [ʒuˈzɛb duˈmɛnək i əstəˈpa]; Tarragona, 1858 – Cabrera de Mar, 1917) sarong Katalan na arkitekto.

Siya naggradwar kan 1881, nagin propesor sa geodesia (1888) asin descriptive geometry (1895) sa University of Barcelona, asin nagin myembro kan Acadèmia de Ciències i Arts (1883), na ngapit siya nagin igding presidente (1914).

An mga trabaho niya sa Barcelona kaiba an simbahan nin Sant Andreu del Palomar (1881, katuwang si Pere Falqués), Teatre Poliorama asin Reial Acadèmia de les Ciències (1883), Palau de la Justícia - Palace of Justice courthouse (1887-1908, katuwang si Enric Sagnier i Villavecchia), Palau Montaner, dangan an Delegación del Gobierno Español (Delegation of the Spanish Government) sa Barcelona (1889-1896, katuwang si Lluís Domènech i Montaner), saka an faculty of Medicine kan University of Barcelona (1904), karsel nin Modelo (1904, katuwang si Salvador Vinyals i Sabaté), an Amparo de Santa Lucía / Empar de Santa Llúcia na harong para sa mga buta, na ini nagin Museu de la Ciència de Barcelona, ngonyan CosmoCaixa Barcelona (1904-1909) na, an Fabra Observatory (1906), an Catalana de Gas i electricitat na edipisiyo asin tore kan tubig (1908), an Església de la Mare de Déu del Carme) asin an kumbento nin Carmelite (1910-1921, na tinapos hamanon kan saiyang aki si Josep Domènech i Mansana), dangan an istasyon Magoria (1912). Saiya man na pinamayohan an konstruksyon kan Hospital Clínic (1895-1906), basado sa desenyo ni Ignasi C. Bartrolí (1881). Sa banwaan nin Viladrau, siya nagtugdok kan Hotel Bofill (1898).

Siya nagmukna kan sadiring estilo paagi nin pagmodipikar kan mga motif na Clasikal, na napapalaen man sa Ekletisismo asin Modernisme, asin ini inako kan establishment. Nagsurat siya nin magkapirang libro, kabarali an Tratado de geometría descriptiva asin El modernismo arquitectónico (1911).

Kataytayan nin mga ladawan[baguhon | baguhon an source]

Mga panluwas na takod[baguhon | baguhon an source]