Joseph Furttenbach

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Atubangan kan ki Furttenbach na Architectura Navalis, 1629

Si Joseph Furttenbach an Matua (30 Desyembre 1591 – 17 Enero 1667) sarong Aleman na arkitekto, matematiko, inhenyero, asin diarista.

Biograpiya[liwaton | liwaton an gikanan]

Si Joseph Furttenbach namundag sa Leutkirch, Alemanya kan Desyembre 30, 1400. Poon 1607/08 abot 1620 siya nag'estar sa Italya, orog na sa Milan, Genoa asin Florence. Duman siya nagin nobatong komersyante sa irarom nin superbisyon kan saiyang mga tatahon. Laen pa kayan, siya nag'adal enhinyero, arkitektura militar, asin nagkaigwang interes sa teatro asin pagdesenyo sa entablado manta na yaon siya sa pagbyahe. Paagi kan saiyang mga paglilibot, naggibo siya nin mga detalyadong deskripsyon kan mga edipisyong pinagkawilihan niya patin na kan mga kapiyestahan, mga prusisyon, asin mga dramatikong pasale. Sa tolo niyang mga libro, siya nagsurat kan mga paglaladawan kan mga scenery asin pag'iilaw sa teatro. Segunda sana siya ki Nicola Sabbatini bilang igwang sobra kahiwas na pag'oonambit kan mga praktis sa likod kan entablado durante kan panahon nin Renaissance.[1]

Parte kan pintura ni J. Furttenbach: Feuerwerkh, welches Herr Johann Kouhn, den 26. Augusti Anno 1644 in seinem garten uff dem word, hat abgehen lassen (1645)


Pakatapos kan saiyang paghaloy sa Italya, siya buminalik sa Alemanya asin nag'erok na sa Ulm. Duman nagkaigwa siya nin matryumpong karera komo sarong arkitekto asin enhinyero. Nagdedesenyo siya duman nin mga ospital, sistema sa aguas potables, sarong eskwelahan, sarong teatro, asin mga paghaharong. Kahaloyi, siya nanombrahan komo akitekto nin syudad kan Ulm, nagsurat mga libro, asin naglingkod sa konseho. Sinasabing an saiyang aparador na saray an mga kotikoti saro sa bantogan sa Alemanya. Sarong Luterano, si Furttenbach importanteng tulay sa pag'oltan kan Italyang Baroque asin kan Habagatan Alemanya.[2]

Mga panluwas na takod[liwaton | liwaton an gikanan]

  • [3]Pinterest. Kinua 25-9-16.

Toltolan[liwaton | liwaton an gikanan]

  1. [1] Britannica.com. Kinua 24-9-16
  2. [2]BibliOdyssey. Kinua 25-9-16