Joseph Guislain

Estatuwa ni Dr. Guislain sa Ghent (Tinindog, 1887).

Si Joseph Guislain (Ghent, 2 Pebrero 1797 – Ghent, 1 Abril 1860) sarong Belgang doktor asin siya an pinakaenot nagkaadal sa sikyatriya.

Edukasyon

Si Guislain nagpoon kan saiyang adal sa medisina sa Ecole de Médicine asin ta siya saro sa pinakaenot na estudyante sa Unibersidad nin Ghent; siya naggradwar bilang doktor kan 1819.

Karera

Kan 1828 si Guislain nagin pamayo kan mga hospital sikyatriko sa Ghent, kun saen siya naggibo nin bagong mga reglamento katuwang si Petrus Josef Triest. Pinakaenot ini sa palakaw kun pano tratuhon mga pasyente sa desente asin tama sa paagi nin pagbulong. Kan 1850, katuwang si Edouard Ducpétiaux, naggibo nin pundasyon sa mga leyes sa pag'ataman nin pasyente, na iyo an nagin pasikaran kan pagaataman sa mga kasong sikyatriko sa Belgium sagkod taon 1991. Si Joseph Guislain nagpublikar kan saiyang libro Traité sur les phrénopathies kan 1833, kun saen siya nagproponer nin bagong klasipikasyon sikyatriko. Saiyang pig'argumento na maski ngani an gabos na helang sa isip dakul naluwas sa iba-ibang porma, ini gabos gikan sa sarong proseso nin paghelang. Huli kaini, nagluwas an doktrina sikyatriko na inapod na unitary psychosis na nag'impluwensyang gayo sa sikyatriko Aleman poon ika-19 na siglo. Sa saiyang obrang tolong-tomo Leçons orales sur les phrénopathies kan 1852 saiyang pinalakbang saiyang pakasabot kan paghehelang sa isip.

Kan 1835, siya nanombrahan propesor sa physiology sa Unibersidad nin Ghent. Kan 1848, nangagin siyang myembro kan huntang naggogobernar sa moderatong Liberal Association, nagkandidato siya bilang konsehal kan munisipalidad asin siya nabotohan. Tolong taon pa, siya nabotohan liwat sa parehong katongdan, alagad dai na siya nag'otro maghagad nin mandato kan 1854, kaya natapos karera niya sa politika.

Kan 1852, an konseho kan munisipalidad nin Ghent inako mga plano niya para sa bagong ospital sikyatriko asin an inapod nang Guislain Institute nainaguraran kan 1857. Siya nagadan kan 1 Abril 1860 sa Ghent kun saen siya ilinubong sa Campo Sancto sa Sint Amandsberg. Kan 1887, sarong estatuwa an inaguraran para saiya sa Begijnhoflaan sa Ghent.

Kataytayan nin mga ladawan

• 
  Museo ki Dr. Guislain museum, dating ospital sikyatriko, tinugdok 1857.
• 
  An ospital sikyatriko sa Guislain.
• 
  Dr Joseph Guislain