Josephine Bracken
short description|Wife of Filipino nationalist José Rizal}}
 A studio portrait of Bracken in Filipino attire, 1896 | |
| Kamundagan | Marie Josephine Leopoldine Bracken 8 Agosto 1876 Victoria, British Hong Kong |
|---|---|
| Kagadanan | 14 Marso 1902 (edad 25) British Hong Kong |
Lulubngan | Happy Valley Cemetery, Hong Kong[1] |
| Nasyunalidad | Irish |
| Iba pang mga ngaran | Josefina |
| Midbid bilang | La viuda de Rizal (The widow of Rizal) |
| Agom | |
| Kasaroan | José Rizal (1895–1896) |
| Mga aki | 2[1] |
Si Marie Josephine Leopoldine Bracken (Agosto 9, 1876 – Marso 14, 1902) iyo an kasaroan kan Filipinong nasyonalistang si José Rizal durante kan distierro niya sa Dapitan.[2][3][4] Mga oras bago si Rizal pig'ehekutar kan Desyembre 30, 1896, an magkasaroan soboot kinasal sa Fort Santiago pakapakipag'ulian nin Rizal daa sa Simbahan Katoliko. Ibang sektor, kabali na an pamilya ni Rizal, dai nagtutubod na sinda kinasal sa simbahan huli ta mayo man daang papeles nakua sa pagpatotoo nin siring, dawa ngani si Bracken mismo asin an pading nagkasal nagsasabi na totoong nangyari an kasalan.[4][5][6][7][8]Plantilya:Excessive citations inline
Si Bracken namundag sa Hong Kong sa mga Irish na magurang asin inataman asin inampon kan butang Amerikanong nagtubong saiya. Kan 1895, si Bracken nagbyaheng Dapitan ta inibahan an saiyang kag'ampon na ama ta mapabulong ki Rizal, optalmologong dati nagpraktis sa Hong Kong. Duman si Bracken asin Rizal nagkarelasyon alagad dai nakapakasal huli sa santikan ni Rizal sa Simbahan Katoliko. Maski siring, sinda nagsaro na asin si Bracken nagkaaki premature nin aking lalaki na nagadan mansana pagkamundag.
Kan mangyari an ehekusyon ni Rizal, si Bracken nagsuporta sa mga Rebolusyunaryong filipino. Alagad, an mga autoridad Espanyol kolonyal pigpirit siyang maghale sa Filipinas asin siya buminalik sa Hong Kong kun saen saiyang naagom an sarong Filipinong mestiso si Vicente Abad na igdi nagkaaki siya, sarong babae. Siya nagadan sa edad na 25 huli sa helang na tuberkolosis.
