Juha Leiviskä

Juha Leiviskä
Kamundagan	(1936-03-17) 17 Marso 1936 Helsinki, Finlandya
Nasyunalidad	Pinlandes
Mga gawad	Pro Finlandia Medal (1992) Prince Eugen Medal (1994) Carlsberg Architectural Prize (1995) Antonio Feltrinelli Prize (2008)

Si Juha Ilmari Leiviskä (namundag 17 Marso 1936 sa Helsinki) sarong prominenteng Pinalndes na arkitekto asin paradesenyo. Siya midbid na gayo sa mga trabaho niya sa pagdesenyo nin mga simbahan asin mga edipisyong panrelihiyoso.

Myyrmäki Church, Vantaa, 1984.

Myyrmäki Church, plan compositional analysis.

Buhay asin Karera

Aki kan inhenyerong si Toivo Ilmari Leiviskä asin maestrang si Sonja Jämsén-Astala, si Leiviskä nag'adal arkitektura sa Helsinki University of Technology, asin nakua saiyang diploma kan 1963. Siya nagtugdas kan saiyang opisina kan 1964, manta siya saro man na katuwang na maestro sa Helsinki University of Technology.

Si Leiviskä nagtrabaho katuwang man si arkitektong Bertel Saarnio, asin sindang duwa ginana an kompetisyon arlkitektural para sa pagdesenyo kan Kouvola Town Hall (1964–68), na minimirar kan mga 1960 na saro sa mga importanteng edipisyo publiko sa Finlandya, na naghakot dakulang pag'umaw asin atensyon sa hubin na arkitekto.

Si Leiviskä nakaganyat nin atensyon internasyonal durante kan mga taon na 1970, 1980 asin 1990 kan saiyang mga desenyo para sa mga simbahan sa iba-ibang parte kan Finlandya, lambang saro naglalaladawan nin magkaagidan na lenggwahe sa desenyo. An saiyang estilong batikano kinokombinar an sensitibong pag'aayog sa dramatikong kawat nin natural na liwanag kan mga simbahan Aleman sa estilong Baroko, na ginagamit an prinsipyo nin paghahaman sa arkitekturang Holandes De Stijl kan mga taon 1920, siring halimbawa kan mga syereng magkaarabay na mga lanob na nakatirindog na nagtataong espasyo na garo winawara' an tradisyonal na kahulogan nin mga pagkapiot nin mga enkluso.

Si Leiviskä igwang kabakas na opisina sa Helsinki ki arkitekto Vilhelm Helander - Vilhelm Helander, Juha Leiviskä arkkitehdit SAFA.

Disenyo

An integral na parte kan arkitektura kan mga simbahan ni Leiviskä iyo an mga lampara na mismo siya an nagdesenyo. Si Leiviskä nagtaram na an saiyang mga pagpapailaw binabase niya sa mga prinsipyo pinaghaman kan si Danes na paradesenyo na si Poul Henningsen para kan saiyang mga PH-lampara. An mga lampara parte kan mga lampara na binibenta kan kompanyang Artek, na iyo man ngani an nagpapapbakal kan mga lampara pinagdesenyo ni Alvar Aalto. Mga kalay na lampara ni Leiviskä tinatampok man sa British Library sa London, dinisenyo kan Ingles na arkitektong si sir Collin St John Wilson, na bisto ni Leiviskä personalmente.

Si Leiviskä pigdesenyo man an mga JCDecaux bus and tram stop shelters na ginagamit kan Helsinki City Transport na kompanya.

Quote

An arkitektura mas kaugos an musika kisa an arte biswal. Ngani masabi na an mga edipisyo tunay na arkitektura, an mga edipisyo, kasararo an saindang internal na espasyo asin mga detalye kaini, dapat parteng organiko kan kapalibotan, an makuring drama kaini, an mga hiro kaini asin pag'isog sa pasurunod na bwelo igdi. Para sako, an edipisyo sa pagkatindog kaini, komo "pidasong arkitektura" mayong halaga. An kahulogan kaini natama sana sa pagsabat sa paralibot igdi kaini, na may buhay asin liwanag.

— Juha Leiviskä, Architecture and Urbanism, (April 1995) p. 13

Mga gawad

Si Leiviskä ginibong myembro kan Royal Swedish Academy of Fine Arts kan 1991. Kan 1992 nagawadan siya kan Pro Finlandia Medal of the Order of the Lion of Finland, asin nanombrahan na 'Artist Professor' kan Pinlandes na Presidente. Kan 1994 siya ginibong Honorary Fellow of the American Institute of Architects asin ginawadan kan Prince Eugen Medal sa parehong taon. Siya nagawadan kan prestihiyosong Carlsberg Prize sa arkitektura kan 1995. Kan 1997 si Leiviskä nag'arpg ki Alvar Aalto asin Reima Pietilä sa pagigin myembro arkitektural kan Academy of Finland - na nangyari nabadoan siya kan titulong Akateemikko (Akademiko). Kan 2008 siya nagawadan naman kan internasyonal na Antonio Feltrinelli Prize kan Accademia Nazionale dei Lincei, asin siring man kan RIBA International Fellowship. Kan 2020 si Juha Leiviskä nagawadan kan The Daylight Award sa Arkitektura, para sa saiyang trabaho sa arkitektura na nagmomostra kan pambihirang abilidad na gibohon an liwanag nin aldaw integral na elemento sa mga edipisyo.

Magkapirang mga edipisyo ni Leiviskä

• Kouvola Town Hall, Kouvola (1968) (katuwang ni Bertel Saario)
• Lemi Old Wooden Church, restoration, Lemi (1969)
• Nakkila Parish Centre, Nakkila (1970)
• St. Thomas's Church and Parish Centre, Puolivälinkangas, Oulu (1975)
• Old Student House, restoration, Helsinki (1980) (katuwang ni Vilhelm Helander)
• Myyrmäki Church, Vantaa (1984)
• Kirkkonummi Parish Centre, Kirkkonummi (1984)
• Merikasarminkatu 7, housing complex, Helsinki (1984)
• Auditorium and workshop building, Niuvanniemi Hospital, Kuopio (katuwang ni Vilhelm Helander) (1985)
• Villa Johanna, pagsusulit, Helsinki (1986) (with Marica Schalin)
• Harju Chapel pagsusulit asin pagsuyab, Mikkeli
• Auroranlinna housing complex, Helsinki (1990) (katuwang ni Pekka Kivisalo)
• Vallila Library and Daycare Centre, Helsinki (1991) (katuwang ni Asta Björklund)
• Männistö Church, Kuopio (1992)
• German Embassy, Kuusisaari, Helsinki (1993)
• German Church and Parish Centre, Helsinki, pagsusulit asin pagsuyab (katuwang ni Vilhelm Helander) (2001)
• Good Shepherd Church, Pakila, Helsinki, pagsusulit asin pagsuyab (katuwang ni Vilhelm Helander) (2002)
• Ad-Dar Cultural and Conference Center, Bethlehem, Palestine (2005)
• Sandels Cultural Centre, Helsinki (2007) (katuwang ni Rosemarie Schnitzler)
• Swedish School of Social Science, Helsinki (2009) (katuwang ni Jari Heikkinen)
• Kipparintalo housing, Kalasatama, Helsinki (2015)

Galeriya kan mga trabaho ni Juha Leiviskä

• 
  Kouvola Town Hall (with Bertel Saario), 1968.
• 
  Nakkila Parish Centre, 1970.
• 
  Myyrmäki Church, 1984.
• 
  St. Thomas's Church, Oulu, 1975.
• 
  Kirkkonummi Parish Centre, 1984.
• 
  Vallila Library and Daycare Centre, Helsinki, 1991.
• 
  Männistö church, Kuopio, 1992.
• 
  German Church and Parish Centre, Helsinki, 2001.
• 
  Sandels Cultural Centre, Helsinki, 2007.
• 
  Swedish School of Social Science, Helsinki, 2009.

Toltolan

• Quantrill, Malcolm (2001). Juha Leiviskä and the Continuity of Finnish Modern Architecture. London: Academy Press. ISBN 0-471-48967-0. 
• Millet, Marietta S. (1996). Light Revealing Architecture. Chicester: Wiley. ISBN 978-0471286448. 
• Connah, Roger (2006). Finland: Modern Architectures in History. London: Reaktion Books. ISBN 9781861892508. 
• Norri, Marja-Riitta & Paatero, Kristiina (eds) (1999). Juha Leiviskä. Helsinki: Museum of Finnish architecture. ISBN 952-5195-09-0. CS1 maint: Multiple names: authors list (link) CS1 maint: Extra text: authors list (link)

Mga panluwas na takod

Igwang relatibong medya para sa Juha Leiviskä duman sa Wikimedia Commons