Juliana dos Santos

Si Juliana dos Santos sarong Subangan na Timores na babaying hoben na dinukot kan 1999 kan mga militia na Laksaur pagkatapos kan 1999 East Timorese independence referendum. Siya 22 na taon na naging bihag sa Sulnopan na Timor bilang sarong tropeo kan gera. An saiyang kaso iyo an naging sentro nin labot kan aktibista na si Kirsty Sword Gusmão na nagdara tulos kan kaso sa atensyon kan United Nations Commission on Human Rights.

Pangyayari

Sa durante kan kadahasan na pinanginotan kan mga miltar na Indonesyan asin mga militia na mga Subangan na Timores kan pagboto kan mga tawo para sa independensiya kan nasyon, ginadan an tugang na lalake ni Juliana dos Santos (Alola), asin an 15-anyos na si Juliana kinua ni Egidio Manek, asin tigdara sa Betun sa Sulnopan na Timor para piritun na maging agom niya.

Si Juliana nakaeksperensiya nin manlain-lain na pang-aabuso. Siya nangaki nin tolong aki. Siya man tinugutan na makauli sa saiyang harong sa Suai pag may gadan sa saiyang pamilya alagad an mga aki niya nasa Sulnopan na Timor lang tangani si Juliana magbalik.

Habang nagdadakula an mga aki ni Juliana, mas nagkakamalay sinda sa inaagihan kan saindang ina asin kinumbinsi ninda ang ina na magdulag lalo na pakatapos na takuton kan ama na si Egidio na sasaksakon si Juliana.

Si Juliana nagdulag paduman sa Subangan na Timor. Naglangoy siya sa tubig na istaran nin mga buaya, asin tigpaparahanap para dakupon ulit siya kan mga militar na Indonesyan asin mga miyembros nin pamilya ni Egidio. Sa huri, nakabalik man si Juliana sa Suai sa saiyang pamilya.

Kadahasan

Saro si Juliana sa gatos na mga kinua na mga aki kan Subangan na Timor asin saro sa mga ribo na babayi na kinidnap asin inaagi an mga pang-aabusong sekswal. Dakul na kinuang mga babayi asin aki ginadan asin nahanap sa mga mass graves. Dai man maaraman an tamang numero para sa mga kinidnap asin ginadan, napag-araman man na an militar na Indonesyan asin mga grupong militia, nagkaugwa nin lakop na pang-aabusong sekswak sa Subangan na Timor.

Alola Foundation

An kaso niya nakua an atensyon ni Kirsty Sword Gusmão, sarong nangangampanya sa karapatang pantao na naging First Lady kan Subangan na Timor kan 2002 kan an saiyang agom na si Xanana Gusmão an naging iinot na Presidente.

Si Sword Gusmao nagtrabaho para magkaugwang kamalayan sa sex marketing sa Subangang Timor asin an partikular na kaso ni Santos.

Kan 2001, si Sword Gusmão idinara an kaso ni Santos sa U.N. Commission on Human Rights, asin pinoonan an Alola Foundation kan 2001 na ipinangaran asin pag-onra ki Juliana.