Jutta Hempel
Si Jutta Hempel namundag Septyembre 27, 1960, siya sarong Aleman na chess prodigy na nagretiro sa competitive chess kan siya may edad na. [1]
Karera sa Chess[baguhon | baguhon an source]
Si Hempel nagpahiling nin pambihirang abilidad sa kawat kan hoben pa sya - sa edad na tatlo kaya niyang magdalan nin sarong kawat na chess asin uliton ini hali sa memorya. Kan 4 na anyos sya, opisyal na siya nagkakawat sa sarong Youth Center sa Flensburg. Kan 5 anyos na sya, si Hempel naging top junior player sa Flensberg. Sa ika-anom niyang kompleanyo, ginibo ni Hempel an kahanga-hangang gibo nin pagscore ning 9.5-2.5 sa sarong apat na oras na magkakasabay na eksibisyon.
Sa sunod niyang kaparehong klase na eksibisyon, na nangyari sa plasa kan banwaan ninda, si Hempel nanggana nin dai mapagdududahan na 9-1. Si Hempel nanggana sa Flensburg junior championship sa edad na pito. Kan 8 anyos sya, padagos si Hempel na magatao ning sabay-sabay na exsibisyon, an iba ipinahiling sa telebisyon. Sa edad na 9, naggana sya sa sarong chess problem solving contest.
Tibaad an pinakamakangalas na nagibo nya iyo an duwa niang draws kontra sa Internasyonal Master na si Jens Enevoldsen kan siya 9 na anyos. [2]
Personal na buhay[baguhon | baguhon an source]
Kan nasa edad na sya, si Hempel nagklase sa sarong eskwelahang pangkomersyo sa Kiel asin nagtrabaho sa sarong bangko. Nagpakasal siya kan 1986 asin nagsayuma sa karera nin chess. [3]
Toltolan[baguhon | baguhon an source]
- ↑ https://en.chessbase.com/post/the-beth-harmon-that-almost-was
- ↑ https://www.chessgames.com/perl/chessplayer?pid=90005
- ↑ https://www.chesshistory.com/winter/winter89.html#7413._Jutta_Hempel
