Kalye Heneral Luna

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

An Kalye Heneral Luna sarong tinampo sa Siyudad nin Naga na minapoon sa kanto kan Kalye Zamora asin sumpay sa tulay nin Tabuk asta nasagkod sa kanto kan Kalye Arana sa tongod kan nalulugaran kan Naga City Police Office. Ini ipinangaran ki Heneral Juan Luna, sarong minimidbid na heroe nasyonal kan Filipinas.

Ini saro sa importante asin mayor na kalye kan Naga ta nasesentro igdi an dakul na negosyo asin ini sakop kan inapod na CBD I. Ini an pinakaenot na sentro nin negosyo poon pa kan panahon nin Kastila na kun saen igdi namugtak an kapitolyo, mga enot na negosyo arog kan Hindustan Store, Bombay Silk Store, Cine Bchara, Bicol United Pharmacal, Bicol Auto Supply, Wellington Store, Co To Co Grocery, Farmacia Uy asin iba pang mga hardware na tindahan arog kan United Hardware na ngonyan marayo na maliban ki Bichara asin Farmacia Uy. Ini inagihan kawasa nin lakopan na kasulo kan mga taon 1960.

Ngonyan saro pa man giraray na masibot na kalye ini apesar nagdakula nang marhay an sentro kan syudad.