Kanal Suez

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
An gira kan Kanal Suez kun tanawon sa kalangitan


An Kanal Suez ((Arabe: قناة السويس‎ Qanāt al-Sūwais) na bisto man sa bansag niyang "An Tinampo paIndya), sarong artipisyal na salog sa Ehipto na nagsusumpay kan Dagat Mediterraneo sa Pulang Dagat. Binuksan kan Nobyembre 1869 pakalihis sampolong taon na paghohonggad, ini nagin madalian an pagbyaheng dagat haleng Europa pasiring Asya na dai na malikaw sa kontinente nin Aprika. An terminal kaini sa amnayan yaon sa Doongan Said asin sa habagatan yaon sa Doongan Tawfik sa Suez, kun saen sa bandang solnopan kan kosa kaini yaon namomogtak an siyudad nin Ismailia.[1]

Kan enot ini hinaman, an kanal may laba na 164 km (102 mi) asin 8 m (26 piye) an rarom. Kan ini mas pang pinalakbang, pinalaba asin pinararom, an kanal nagsusukol nang 193.30 km ((120.11 mi) an laba', 24 m (79 piye) an rarom asin 205 metro (673 piye) an lakbang sa taon na 2010.[2]

An kanal naagi sa Ballah By-pass asin sa Danaw Great Bitter.[3] Mayo ini nin mga barat na nakontrol kan bulos asin libre sana an agos na magdalihig. An tubig kan Kanal sa bandang amnayan kan Danaw Great Bitter nabulos paamnayan kun imbyerno asin pahabagat kun summer. An sulog sa bandang habagatan kan danaw narikas naluya depende sa pagtaob kan Suez.[4]

An kanal rogaring asin pig'aasikaso kan Suez Canal Authority kan Arabong Republika nin Ehipto. Sa tratado internasyunal, an kanal pwede gamiton "sa panahon nin gera o toninong man, kan arin man na sasakyan dagat, pangkomersyo o panggera man, na mayong pagbisto sa kun anoman na pigdadarang bandera." [5]


Mga panluwas na takod[liwatón | liwaton an gikanan]

Toltolan[liwatón | liwaton an gikanan]

  1. "Suez Canal guide". Marine Services Co. http://www.atlas.com.eg/scg.html. Retrieved on 2010-04-02. 
  2. "Canal Characteristics". Suez Canal Authority. 2010. http://www.suezcanal.gov.eg/sc.aspx?show=12. Retrieved on 2010-04-02. 
  3. Suez Canal Authority
  4. Suez Canal Authority
  5. Constantinople Convention of the Suez Canal of 2 March 1888 still in force and specifically maintained in Nasser's Nationalisation Act.