Kangkong

Gikan sa Bikol Sentral na Wikipedia, an talingkas na ensiklopedya
Mga inatadong kangkong na pantinda

An kangkong (Ipomoea aquatica) sarong nagkakamang na tinanom, nabubuhay sa daga o sa tubig man. An dahon asin paklang kaini sinasalak na berdura o gulayon sa mga luto. Ini nalakop nanggad sa kahiwasan kun matubang sa pagtubo. Malomhok asin maragamo sa kagat an paklang kaini asin an dahon malumoy man sa pagsapa, dai sana magin lu'nok an pagluto.

Pwede ining ibabaw sa sinapna sana ngane maluto asin patis an pwedeng magtaong namit igdi o pirisan sana nin lemonsito, o pwede man pamberdura sa sinabawan na karne. Ini linuluto man na magin maraging kun pinapatos sa arina asin prinipritos. Sa lutong bikolnon, an mga paklang kan kangkong an paboritong isalak sa kandingga.

Sa saiyang pagkamang kan mga tangkaway kaini, naggagamot ini sa nagbabalagon na kahawakan niya asin maski saen na direksyon natubo. Sa katubigan, an kangkong lataw na gayo asin pwedeng mang'agaw oxygen kun patuboon sa atamanan sira. Dapat sana hugasan na marhay an mga dahon kaini bago lutoon ta posible may mga ulod asin mga sugok kaini nagdudurokot na kun buhay pa malakop ini sa laog kan bituka kan tawo asin magkawsa nin kahelangan na marara.

Hitsura bilang tinanom[baguhon | baguhon an source]

Mga bitamina asin nutrient nakukua sa kangkong[baguhon | baguhon an source]

An dahon kangkong pano nin bitamina A asin C, na maray na gayo sa pag'ataman kan mata asin pampakusog sa mga tulang, buhok, kublit asin mga litid kan hawak nin tawo. An mga bitaminang siring naglalaban sa pagkukulang nin iron, nagpupugol sa marikas paggurang, asin pagbutwa sa hawak nin iba-ibang klaseng kanser. Mayaman an mga berdeng dahon arog kan sa kangkong kan inaapod na B-complex na grupo nin mga bitamina arog kan riboflavin, niacin, bitamina B-6, folic acid na nagdadarang karahayan sa pungsyon metaboliko. Dagdag pa, an mga berdeng gulayon arog kan kangkong tagob man nin mga mineral arog kan iron, calcium, potassium, magnesium, manganese, asin phosporus.

An magnesium asin calcium napapusog sa mga tulang asin ngipon, asin nataong maray na epekto sa hiro kan puso. An manganese nagagamit kan hawak para sa pagprodyusir nin antioxidant ennzyme, an superoside dismutase. Mayong duda an mga berdeng kangkong nawaras nin abundanteng pakinabang na mga nutrient na kun ini sige-sige pagkonsumo nabangga sa pagkaigwa nin osteoporosis, anemia, asin kakulangan sa bitamina A, asin tinutubodan na ilinilikay an hawak sa mga helang sa puso, sa colon asin prostrate kanser.[1]

Mga apod sa iba-ibang tataramon[baguhon | baguhon an source]

  • Ingles, water spinach, swamp cabbage, water convolvulus, water morning-glory
  • Cebuano, tangkong
  • Ilokano, balangeg
  • Sinhales, kang kung
  • Malay, Indones, kangkung
  • Khmer, trawkoon
  • Thai, pak boong (ผักบุ้ง)
  • Byetnam, rau muong
  • Intsik, kongxincal (空心菜 o kōngxīncài)
  • Hakka, home sum choy
  • Kantones, ngônkcôi

Mga lutuon[baguhon | baguhon an source]

Mga panluwas na takod[baguhon | baguhon an source]

Toltolan[baguhon | baguhon an source]

  1. Mga benepsiyo kan kangkong.[1] Kinua 09-23-21.