Jump to content

Karapatan kan kaakian

Gikan sa Bikol Sentral na Wikipedia, an talingkas na ensiklopedya

An karapatan kan kaakian (Ingles: children's rights) sarong subgrupo kan mga karapatan pantawo na igwang partikular na atensyon sa karapatan sa espesyal na proteksyon asin pagpangataman na itinatao sa mga menor de edad.[1] (Dai dapat ikaribong sa mga karapatan kan kahobenan). An 1989 Convention on the Rights of the Child (CRC) tinawan kahulugan an sarong aki bilang "an siisay man na tawo na hababa sa edad na disiotso anyos, apwera sana kun sa irarom kan aplikableng batas sa aki, an mayorya nakamtan nin mas amay."[2] Kaiba sa mga karapatan kan kaakian an diretso ninda na makiasosyar sa parehong magurang, pantawong identidad siring man an pundamental na mga pangangaipo para sa pisikal na proteksyon, kakanon, unibersal na edukasyon na binabayadan kan estado, healthcare, asin kriminal na mga batas na magkakanigo sa edad asin pagtalubo kan aki, pantay na proteksyon kan karapatan na sibil kan aki, katalingkasan sa diskriminasyon sigun sa rasa kan aki, sexo, ginikanan, relihiyon, kakundian, kulor, etnisidad, asin iba pang karakteristiko. An mga interpretasyon sa mga karapatan kan kaakian minapuon sa pagsabing tawan an mga aki nin kapasidad para sa awtonomong aksyon hasta sa pagpautob sa mga aki sa pisikal, mental asin emosyonal na aspekto sa paaging talingkas sa anuman na abuso, alagad kun ano an maaapod na "abuso" sarong bagay na dapat pang pagdebatehan. Kaiba sa iba pang mga pakahulugan iyo an karapatan sa pangpangataman asin pagpadakula.[3] Mayo nin mga pakahulugan sa ibang termino na ginamit tanganing iladawan an mga hoben na arog kan mga "sultero asin daraga," "teenager," o "kahobenan" sa internasyunal na batas,[4] alagad an paghiro para sa karapatan kan kaakian ibinibilang na suway sa paghiro para sa mga karapatan kan kahobenan. An langtad kan karapatan kan kaakian minasagkod sa mga langtad nin batas, pulitika, relihiyon, asin moralidad.

Susugan[baguhon | baguhon an source]

  1. "Children's Rights" Archived 2008-09-21 at the Wayback Machine, Amnesty International. Retrieved 2/23/08.
  2. Convention on the Rights of the Child, G.A. res. 44/25, annex, 44 U.N. GAOR Supp. (No. 49) at 167, U.N. Doc. A/44/49 (1989), entered into force Sept. 2 1990.
  3. Bandman, B. (1999) Children's Right to Freedom, Care, and Enlightenment. Routledge. p 67.
  4. "Children and youth", Human Rights Education Association. Retrieved 2/23/08.