Karina Constantino David
| Karina Constantino David | |
|---|---|
| Kamundagan | Karina Constantino Marso 19, 1946 |
| Kagadanan | Mayo 7, 2019 (edad 73) |
| Trabaho | Lingkod Banwaan, Aktibista |
| Midbid bilang | Chairman kan Civil Service Commission |
| Langkaw | 140px |
| Agom | Randy David |
| Mga aki |
|
| Mga magurang | Renato Constantino (ama) |
| Sadiring-tao | Reverend Father Pablo Virgilio David, D.D. (bayaw) |
Si Karina Constantino David (Marso 19, 1946 – Mayo 7, 2019)[1] sarong Filipinang aktibista, lingkod banwaan, asin musikero na midbid sa pagigin dating chairperson kan Civil Service Commission kan Pilipinas, asin sa pagkontra nya sa diktadura kan Batas Militar ni Ferdinand Marcos bilang parte kan aktibistang banda na Inang Laya.[1] Naglingkod man sya bilang chairman kan Career Executive Service Board, sarong ahensya kan gobyerno na namamahala sa pinakahalangkaw na management personnel kan gobyerno kan Pilipinas. Nagin myembro sya kan Board of Trustees kan Government Insurance System (GSIS).
Agom si David ni Propesor Emeritus Randy David kan Unibersidad kan Pilipinas Diliman asin aking babayi kan bantog na historyador na si Renato Constantino. Ina man sya kan peryodistang si Kara David asin propesor sa heolohiya sa UP Diliman na si Dr. Carlos Primo David.
Kaamayi kan buhay asin edukasyon[baguhon | baguhon an source]
Aking babayi kan historyador na si Renato Constantino, nagkua si David nin Bachelor of Arts in Sociology sa Unibersidad kan Pilipinas Diliman kan 1966. Tinapos nya an akademikong mga kahagadan sa programang Master of Arts in Sociology sa parehong unibersidad kan 1968. Nagkua sya nin Master of Arts in Economic and Social Studies sa Victoria University of Manchester sa Inglatera kan 1974.[2]
Amay na karera[baguhon | baguhon an source]
Nagpuon na magtrabaho si David kan 1966 bilang Teaching Assistant sa Department of Sociology kan Unibersidad kan Pilipinas Diliman. Nagin syang Assistant Professor puon 1970 sagkod 1975. Kan 1986, itinalaga sya sa Departament of Social Welfare and Development. Puon kan 1975, nagin propesor si David nin community development sa College of Social Work and Community Development kan Unibersidad.[2]
Trabahong sibil asin pribado[baguhon | baguhon an source]
Pinanginutan ni David an Caucus of Development NGO Networks (presidente, 1989–1998); Women's Action Network for Development (vice chairperson, 1990–1998); Partnership of Philippine Support Service Agencies (chairperson, 1989–1995); Independent Commission on Population and the Quality of Life (komisyoner, 1992–1996); asin People's Forum for Habitat II (national convenor, 1995–1996). Naglingkod man si David bilang konsultant sa pagpaplano nin polisiyang programa kan Asia and Pacific Development Center dapit sa isyu nin pagtios asin kababayihan.[2]
Kan 1989, konsultant sya para sa women's mission kan GTZ o Deutsche Gessellscahft Fur Technische Zusammenarbeit asin kan Canadian International Development Agency (CIDA).[2]
Puon 1988 sagkod 1989, si David an pankagabsan na konsultant kan Philippine Development Plan for Women sa National Commission on the Role of Filipino Women (NCRFW). Nagtaong serbisyo man si David bilang konsultant sa NCRFW puon 1995 sagkod 1996 para sa Pilipinas para sa Philippine Plan for Gender Responsive Development.[2]
n man syang ehekutibong direktor kan Harnessing Self-Reliant Initiatives and Knowledge (HASIK) puon 1988 sagkod 1998. An HASIK sarong NGO na imbwelto sa urban poor empowerment, gender development, pagprotehir sa kaakian asin minor de edad, asin mga proyekto sa pagpaharong asin pagtaong hanapbuhay.[2]
Puon 1997 sagkod 1998, presidente si David kan Eco-Shelter, Inc., sarong pribadong kumpanya na imbwelto pagtugdok nin istaran asin paghimo nin alternatibong mga materyales sa pagpaharong.[2]
Puon 1999 sagkod kan ibugtak sya sa CSC, si David an presidente kan Property Solutions, Inc., sarong pribadong kumpanya na nagtatangro nin bago asin alternatibong interbensyon sa magkapirang isyu nin pagrurugaring.[2]
Chair kan Housing and Urban Development Coordinating Council[baguhon | baguhon an source]
Pinamayuhan ni David an Housing and Urban Development Coordinating Council (HUDCC) puon 1998 sagkod 1999. Sa katungdan na ini, naghimo sya nin mga obheto asin estratehiya sa pagpauswag istaran, pigsubaybayan an mga target, asin pigpahiwas an partisipasyon kan pribadong sektor. Nagmungkahi man sya nin mga batas asin nagmukna nin mga regulasyon para sa asset disposition. Pinamayuhan nya an gabos na ahensya nin pagpaharong sa Pilipinas.[2]
Chair kan Civil Service Commision[baguhon | baguhon an source]
Pignombrahan si David ni Presidente Gloria Macapagal Arroyo kan Pebrero 23, 2001, bilang chairman Civil Service Commission (CSC), asin sinalidahan si Corazon Alma G. De Leon.[2]
Sa saiyang katungdan bilang chair kan CSC, nakahimo si Constantino-David nin kontrobersya kan iinsistir nya kan Enero 2008 na 40% kan 3,000 na opisyal nin gobyerno, kaiba an mga opisyal sa Gabinete, an dai kalipikadong magkapot kan saindang mga posisyon: "these officials, consisting of managers, directors, assistant secretaries and undersecretaries, do not have the appropriate educational background and skills to perform their duties well; they don't have the correct educational skills and appropriate background plus experience to perform their respective duties well."[3][4]
Iba pang pag-ayon[baguhon | baguhon an source]
Aktibong myembro si David kan Philippine Sociological Society, Human Development Network, asin kan Asia-Pacific Development Journal.[2] Nagin trustee man sya kan Government Service Insurance System (GSIS).
Musikang mga aktibidad[baguhon | baguhon an source]
Puon kan 1981, si David an kompositor asin gtarista kan Inang Laya, pares nin babaying musikero na nagtugtog sagkod nagrekord nin mga progresibo asin peministang mga awit. Nakapaluwas an Inang Laya nin nagkapirang album sa lokal na eksena nin entertainment.[2]
Internasyunal na pagbisto[baguhon | baguhon an source]
Kan Abril 15, 2008, inako ni Karina Constantino-David an World Bank's 2008 Gill Memorial Award for Outstanding Public Service. Nakipaglaban si David "tumang sa masakit daugon na mga kaulangan tanganing idepensa an meritokrasiya asin langkawan an sweldo kan mga lingkod banwaan kan sya Chair pa kan Civil Service Commission kan Pilipinas sagkod Pebrero."[5]
Mga tultulan[baguhon | baguhon an source]
- ↑ 1.0 1.1 "Ex-CSC chair Karina David dies". Rappler. Retrieved May 8, 2019.
- ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 Record profile, Civil Service Commission, 2003......
- ↑ "Abs-Cbn Interactive, CSC: 40% of govt officials unqualified for posts". Archived from the original on July 9, 2007. Retrieved May 8, 2019.
- ↑ "newsinfo.inquirer.net, CSC chief David chides Arroyo on appointments". Archived from the original on 2008-01-23. Retrieved 2008-01-23.
- ↑ "timesofindia.indiatimes.com, Anna Hazare wins World Bank award". Retrieved May 8, 2019.