Kasilyasan

An mga kasilyasan igwa nin manlainlain na porma sa bilog na kinaban, kabali an flush toilet na ginagamit sa paagi kan pagtukaw o pagtukro, asin mamarang kasilyasan siring kan pit latrine.

An kasilyasan sarong pidaso nin sanitaryong hardware na nagtitipon nin ihi asin udo, asin kun beses papel na pangkasilyasan, na sa parate tinatapok. An mga kasilyasan na igwa nin otomatiko na flush naggagamit nin tubig, mantang an alang o bakong otomatiko an pag-flush na mga kasilyas dai. Iyan pwedeng disenyohon para sa nagtutukaw na posisyon na popular sa Europa asin Amerika del Norte na may tukawan an inodoro, na may dugang pang mga konsiderasyon para sa mga may kabyadian, o para sa nagtutukro na posisyon na mas popular sa Asya (hilingon an squat toilet). Sa mga lugar sa siyudad, an mga kasilyasan na igwa nin flush parateng konektado sa sistemang sewer na pasiring sa mga tangkeng septik sa liblib na mga lugar. An basura midbid bilang tubig na itom asin an pinagsaralak na effluent kaiba an iba pang gikanan iyo an sewage. Nakakokonektar an mga kasilyasan na mayo nin otomatikong flush sa sarong kalot, madaling haleon na lalagan, composting chamber, o iba pang bodega asin treatment device, kaiba an urine diversion na may urine-diverting tolet.

Manlaenlaen an teknolohiya na ginagamit para sa modernong mga kasilyasan. An mga kasangkapan sa parate gibo sa seramic (porcelain), konkreto, plastik, o kahoy. Kaiba sa mga bagong toilet technology an dual flushing, hababang pagflush, pag-init nin tukawan kan inodoro, paglinig sa sadiri, ihian nin babae asin daing tubig na mga urinal. Midbid an Hapon huli sa teknolohiya kaini sa inodoro. An mga kasilyasan sa eroplano espesyalmenteng dinisenyo tanganing magpunsionar sa aire. An pangangaipong magmantener nin anal hygiene post-defecation minimidbid sa bilog na kinaban asin an papel na pangkasilyasan (parati na kinakapotan nin sarong toilet roll holder), na pwede man gamiton tanganing punasan an vulva pakatapos nin pag-ihi, ginagamit nin dakol (siring man sa bidets).

Sa pribadong mga harong, depende sa rehiyon asin estilo, an kasilyas pwedeng yaon sa iyo man sanang banyo na arog kan lababo, bathtub, asin shower. An saro pang pagpipilian iyo an magkaigwa nin sarong kwarto para sa pangkarigos sa hawak (inaapod man na "bathroom") asin separado para sa kasilyasan asin lababo para sa paghanaw sa kamot (tolet room). An mga kasilyasan na pampubliko (restroom) kompwesto nin saro o mas dakol pang kasilyasan (asin komun na solong ihian) na kun saen posibleng gamiton kan publiko. An mga produkto na arog kan mga blokeng ihian asin mga blokeng kasilyasan nakakatabang na mapagdanay an parong asin kalinigan kan mga kasilyasan. Kun beses, ginagamit sa eroplano an mga takop na tukawan kan inodoro. An aroalsang mga kasilyasan (dai man tinutuyong kemikal na "porta johns") pwedeng darahon sa darakulang lugar.

Sa kasaysayan, an sanitasyon nagin pinagmamalasakitan kan kaenot-enoteng mga estaran nin tawo. Minsan siring, dakol na dukhang pamilya sa nagpoprogreso pa sanang mga nasyon an naggagamit nin pundamental na marhay, asin sa parate bakong sono sa salud, mga kasilyasan - asin haros sarong bilyon katawo an mayo lamang nin makukuang kasilyas; posible sa luwas sinda mag-ihi asin mag-ati. An mga isyung ini pwedeng magbunga kan paglakop nin mga helang na ikinaoolakit sa paagi kan helang na fecal-oral, o sa pag-agi nin mga helang sa tubig arog baga nin cholera asin diarrhea. Kun siring, an United Nations Sustainable Development Goal 6 boot na "makamit an pinakamadaling dalan pasiring sa maninigo' asin equitable na sanitasyon asin hygiene para sa gabos asin taposon an pag-udo sa natad.