Katalingkasan sa panorama

Sarong ladawan na nagpapahiling kan mga eskultura ni Sergej Alexander Dott, inapod na Himmelsblumen asin ginibo kaidtong 2003, na mahihiling harani sa estasyong Gleisdreieck kan metro nin Berlin, Alemanya. Angay sa mga probisyon kan katalingkasan sa panorama sa nasyon an pagpublikar kaini sa paagi nin talingkas na lisensiya.

An katalingkasan sa panorama (Ingles: freedom of panorama, napapalipot bilang FOP) iyo sarong probisyon nin mga ley kan karapatang-pagsasadiri nin kadakol na mga hurisdiksiyon na nagtutugot sa pagkua nin mga retrato asin bidyo sagkod pagmokna nin ibang mga ladawan (arug kan mga pinta) kan mga edipisiyo asin kun minsan mga iskultura asin ibang mga gibong arte na pirmihang mahihiling sa sarong pampublikong lugar nin dae nagbabalgar sa anuman na karapatang-sipi na pupuwedeng magtinir sa mga gibo, asin an pagpublikar kan mga ladawan.

Nililimitahan kan mga ley o kaso nin ley kan katalingkasan sa panorama an mga maykapot nin karapatang-sipi sa paggibo nin ligal na lakdang huli sa pagbalgar nin karapatang-sipi laban sa mga tagamokna o tagatao nin mga ladawan. Saro ining eksepsyon sa midbid na kasuguan na an maykapot kan karapatang-sipi iyo may eksklusibong karapatan sa pagtao nin kapangyarihan sa pagmokna asin pagtap nin mga deribatibong gibo. Gikan an kataga sa taramong Aleman na Panoramafreiheit ("katalingkasan sa panorama" o "panorama freedom" sa Ingles).

Mga panluwas na takod

• Photographing public buildings, gikan sa American Society of Media Photographers.
• Millennium Park Photography: The Official Scoop, The Chicagoist, Pebrero 17, 2005.
• MacPherson, Linda: Photographer's Rights in the UK.
• Newell, Bryce Clayton (2011). "Freedom of Panorama: A Comparative Look at International Restrictions on Public Photography". Creighton Law Review 44: 405–427. https://washington.academia.edu/BryceNewell/Papers/535200/Freedom_of_Panorama_A_Comparative_Look_at_International_Restrictions_on_Public_Photography.