Kate Marvel
Si Kate Marvel sarong sientista sa klima asin parasurat sa siensia na nakaistar sa syudad nin Nueva York.ה. Sya sarong Associate Research Scientist sa NASA Godard Institute for Studies asin Columbia Engineering's Department of Applied Physics and Mathematics, asin regular na nagsusurat para sa Scientific American sa saiyang column na "Hot Planet." [1][2]
Edukasyon asin amay na karera[baguhon | baguhon an source]
Si Marvel nagklase sa Unibersidad kan California sa Berkeley kun sain nya naresibe an Batsiler sa Arte sa pisika asin astronomiya kan 2003. Naresibe nya man an saiyang PhD kan 2008 sa teoretikal na pisika sa Unibersidad kan Cambridge bilang iskolar kan Gates asin myembro kan Trinity College. Sunod sa saiyang PhD, tinawan nyang atensyon an siensyang pan-klima asin enerhiya bilang Postdoctoral Science Fellow sa Center for International Security and Cooperation sa Stanford University dangan sa arnegie Institution for Science sa Department of Global Ecology. Pigpadagos nya sana an direksyon na idto hasta sa nakua niya an pagigin postdoctoral na fellow sa Lawrence Livermore National Laboratory bago nag-ayon sa research faculty kan NASA Goddard Institute for Space Studies asin sa Columbia University. [3]
Pampublikong pagka-embwelto[baguhon | baguhon an source]
Si Marvel sarong parakomunikar sa siensia na an mga paghihingowa nakasentro sa pagkomunikar manungod sa mga epekto nin pagbabago sa klima. Sya nagin bisita sa popular na siensia na ipinahihiling arog sa Startalk asin BRIC Arts Media TV, na nagtataram manungod sa saiyang abilidad sa klima asin sa pangangaipo na humiro susog sa klima.[4] Nagtaram man sya manungod sa saiyang dalan pasiring sa pagigin sientista.[5] Nagluwas man si Marvel sa TED Main Stage, na nagtatao nin pahayag sa 2017 TED manungod sa dobleng epekto nin mga panganuron sa pag - init kan globo.
Panluwas na mga link[baguhon | baguhon an source]
- Mga kotasyon na konektado sa Kate Marvel sa Wikiquote.
Mga relatibong Quotation para sa Kate Marvel duman sa Wikiquote - An Kate Marvel sa Twitter
Mga reperensya[baguhon | baguhon an source]
- ↑ "NASA GISS: Katherine D. Marvel". Archived from the original on 2020-12-05. Retrieved 2021-03-21.
- ↑ "Kate Marvel - Google Scholar Citations".
- ↑ "Scientist Kate Marvel Provides Some Answers on Climate Change and Sustainability" (in en). https://news.columbia.edu/content/Scientist-Kate-Marvel-Provides-Some-Answers-on-Climate-Change-and-Sustainability.
- ↑ "SEASON PREMIERE: Our Changing Climate, with Bill Nye - StarTalk All-Stars" (in en-US). StarTalk Radio Show by Neil deGrasse Tyson. https://www.startalkradio.net/show/season-premiere-changing-climate-bill-nye/.
- ↑ "Origin Stories: Stories about paths to becoming a scientist" (in en-US). The Story Collider. https://www.storycollider.org/stories/2018/1/12/origin-stories-stories-about-paths-to-becoming-a-scientist.