Kate Middleton

Gikan sa Bikol Sentral na Wikipedia, an talingkas na ensiklopedya
Si Kate Middleton

Si Catherine Elizabeth "Kate" Middleton (namundag, Enero 9 1982) iyo an kailusyon ni Prinsipe William kan Wales. An saindang kasal ginibo kan Abril 29, 2011. Si Middleton nagdakula sa Chapel Row sa Bucklebury, Berkshire, Inglatera, [1] asin siya nag'adal sa Scotland sa Unibersidad kan St. Andrews kun saen nanagboan niya si Prinsipe Williams kan 2001. Nagkaigwa sinda nin romantikong relasyon na naputol nin pirang bulan kan 2007. Alagad, sige man an pagkaaramigo ninda asta napukawan giraray an saindang pagkaminootan.

Poon kaidto, si Middleton pirmi nang nahihiling sa mga okasyon kan pamilya real. Hinahangaan siya sa maray niyang pagdara nin bado, mala ta nakakaiba parati sa lista kan mga "mahusay magbarado" (best-dressed) kan mga fashion magasin. Kan nabalangibog nang husto an saindang relasyon, naglataw na an uru-urulay na bako nang harayo magpapakasal na an duwa. Kan Nobyembre 16, 2010 an opisina kan Prinsipe kan Wales sa Clarence House pig'anunsyo an saindang intensyon sa pagpakasal.

Pamilya[baguhon | baguhon an source]

Si Middleton namundag sa Royal Berkshire Hospital kan Enero 9, 1982 asin binunyagan sa St. Andrew's Bradfield, Berkshire kan Hunyo 20, 1982.[2] Siya an pinakamatua sa tolong aki kan mag'agom na si Carole Elizabeth (nee Goldsmith), sarong flight attendant, asin si Michael Francis Middleton, na saro man na flight attendant bago nagin flight dispatcher sa British Airways.

Karera[baguhon | baguhon an source]

Si Middleton kan Nobyembre 2006 inako an pwesto komo accesory buyer kan kompanyang Jigsaw, sarong dakulang tindahan nin mga gubing.[3] Kan Septyembre 2007, nabareta na mabutas na sa trabaho niyang ini ta magigin propesyonal na retratista. Maadal kuta siyang pormal ki Mario Testino, sarong retratista asin nagretrato nang dakul ki Diana asin sa mga aki niya. Nabisto si Testino ni Middleton huli mansana ki Prinsipe William; alagad, si Mario Testino pigpahimutakn an bareta na maadal saiya sa pagretrato si Kate Middleton.

Mga panluwas na takod[baguhon | baguhon an source]

Toltolan[baguhon | baguhon an source]